Bene Efeso 1:1 - Baibo Busansulushi Bwa Libuku Ili

¹ Ndime Paulo, mutumwi wakwe Klistu Jesu kwiinda mukuyanda kwakwe Lesa. Ntoolembela bantu bakwe Lesa bali kuEfeso abo bashomeka muli Klistu.

Bene Efeso 1:1 Marejeleo ya Msalaba

Shakubelenga 12:7

Sombi cilipusene na ntokwaamba amusebenshi wangu Mose. Ndakamubika ayi anokweendelesha bantu bangu bene Isilaeli.

Luka 16:10

Uyo woonse ushomeka pacintu ciniini, ulaakushomeka apacintu cinene. Alakwe uyo utashomeki pacintu ciniini, teshi akashomeke apacintu cinene.

Milimo ya Batumwi 16:15

Ndyaakamana kubombekwa abantu abo mbaakalinga kwikalaabo muŋanda yakwe, wakatwiita soonse ayi, “Mbuli mbomwasumina ayi ndashooma amoyo wangu woonse muMwaami Jesu katiya kuŋanda yangu.” Lyalo wakatukombelela ayi tuye.

Milimo ya Batumwi 18:19

Ndibakashika kuEfeso, Paulo wakashiya Pulisila aAkwila. Lakwe wakaya mucoonde ca baJuda mukubandika ambabo.

Milimo ya Batumwi 18:21

Sombi ndyaakalinga kubalasha, wakabaambila ayi, “Na nkuyanda kwakwe Lesa, ndaakwisa alimwi.” Lyalo wakaswaako kuEfeso mubwaato bunene.

Milimo ya Batumwi 9:13

Ndyaakanyumfwa, Ananiyasi wakakumbula ayi, “Nkambo, bantu baanji bakandwiita makani amuntu uyu alimwi ashintu shibiibi nshaakacita kubantu banu ba muJelusalemu.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Loma 1:7

Aboobo ntoolembela ndimwe noonse nomuli muLoma nomusunikwi aLesa alimwi nomwakeetwa kwaamba ayi mube bantu bakwe. Luse aluumuno shibe amwebo kuswa kuli Lesa Ishiwesu aMwaami Jesu Klistu.

Bene Loma 8:1

Ono abo bashoma muli Jesu Klistu, Lesa taabapi mulandu.

1 Bene Kolinto 4:12

Tulasebensa cankusu kwaamba ayi tucane shiyandika. Na bantu batushingana tulasenga Lesa kwaamba ayi abape coolwe. Na batupensha, nkuumunabo.

1 Bene Kolinto 4:17

Paceebo ceeco ntoomutumina Timoti, uli anga ngumwanaangu musankwa ngoonsunishi alimwi uyo ushomeka muMwaami Lesa. Ulaakumwiibalusha shabwikaalo bwangu muli Klistu Jesu ubo bweendelana ansheenjiisha kuli koonse mushoonde shoonse.

2 Bene Kolinto 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ndi pantu pomwi amushominyineesu Timoti. Ntoolembela ndimwe nocoonde cakwe Lesa cili muKolinto abashomi boonse bali mucishi ca Akeya.

Bene Galatiya 1:1

Ndime Paulo mutumwi. Teshi muntu wakantuma sombi Jesu Klistu alimwi aLesa Ishiwesu uyo wakamubusha kuswa kubafu.

Bene Galatiya 3:26

Mwebo noonse muli bana bakwe Lesa mukwiinga mulashoma muli Klistu Jesu.

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

Bene Galatiya 3:9

Abulaamu wakashoma, mpeeke Lesa wakamupa coolwe. Aboobo boonse bashoma balapekwa coolwe bweenka bwakapekwa Abulaamu.

Bene Efeso 1:15

Paceebo ceeco, kuswa ndindakanyumfwa shalushomo lwanu muMwaami Jesu alimwi alusuno ndomucite kubashominyinaanu boonse,

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

Bene Efeso 2:13

Sombi bulya ndyemuli muli Klistu Jesu, mwebo nomwakalinga palaale aLesa mwakaba pafwaafwi anguwe ceebo ca lufu lwakwe Klistu ndwaakalibenga.

Bene Efeso 2:6

Mukwiinga tuli muli Klistu Jesu, Lesa wakatubusha kuswa kubafu pantu pomwi anguwe akutupa musena wa bulemu kwiculu.

Bene Efeso 6:21

Taikikasi mukwabesu usunikwi ulaakwisa akamulwiite shoonse shapali ndime alimwi ansheencita. Lakwe ngumusebenshi ushomeka mumilimo ya Mwaami.

Bene Kolose 1:2

Ntoolembela ndimwe nobantu bakwe Lesa muKolose, nobamakwesu nomushomeka muli Klistu. Luse aluumuno shibe amwebo kuswa kuli Lesa Ishiwesu.

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.