Bene Ebulu 4:1 - Baibo Busansulushi Bwa Libuku Ili

¹ Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

Bene Ebulu 4:1 Marejeleo ya Msalaba

Tushimpi 14:16

Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.

Tushimpi 28:14

Ulicite coolwe muntu ulemeka Mwaami Lesa lyoonse, sombi uyo uyumya moyo ulalokela mumapensho.

Jelemiya 32:40

Ndaakupanga cipangano ambabo calyoonse alyoonse. Ee, teshi nkacileeke kubacitila shibotu nabi kucileka kubalengesha kunoonda amyoyo yabo yoonse kwaamba ayi batakamfutatili tubili.

Shakubelenga 14:34

Mulaakupenshekwa kwamyaaka ili makumi one ceebo ca kubisha kwanu, nkokwaamba ayi mwaaka womwi ulaakunokwiimikanina bushiku bomwi panshiku shili makumi one nshemwakasowa pakubona cishi. Lyalo mulaakwishiba mbocaamba na nebo ndamwaalookila!

Mateyo 24:48

Sombi na ngumusebenshi mubiibi ulaakuyeeya ayi, ‘Mwaami wangu wacelwa kwisa,’

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Bene Loma 11:20

Ncakwiila mbocibete ubo. Balo bakatyolwa ceebo cakutashoma, sombi mwebo muli kucisamu ceebo ca lushomo. Nakubi boobo tamweelete kulisumpula, sombi mulyeelete kucenjela.

Bene Loma 3:23

ceebo bantu boonse bakabisha akulela kubulemu bwakwe Lesa.

1 Bene Kolinto 10:12

Ono uyo woonse uyeeya kwaamba ayi ngumuyumu mulushomo, acenjele ayi atawi.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Galatiya 5:4

Ono mwebo nomusuni kululamikwa pameenso akwe Lesa kwiinda mukukonkela Milawo, mwamanisha cibusa calinga pakati lyanu alimwi aKlistu. Aboobo mwakaswa muluse lwakwe Lesa.

2 Timoti 2:13

Na tatushomeki, lakwe ulatolelela kushomeka, ceebo taakoonshi kulikaka, sobwe.”

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Bene Ebulu 13:7

Amwiibaluke bamatanjilili banu, abo bakamushimikila maswi akwe Lesa. Amuyeeye buumi bwabo mbobwakalinga alufu lwabo alimwi mube alushomo mbuli ndobakalinga kucite.

Bene Ebulu 3:11

Ndakakalala akwaamba cakushinisha ayi, ‘Teshi bakenjileewo mumusena wangu mwakookeshesha.’ ”

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Bene Ebulu 4:9

Paceebo ceeco, mpokucili kookesha kwa bantu bakwe Lesa bweenka mbuli Lesa mbwaakookesha pabushiku bwasanu ashobilo.

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.