Bene Ebulu 2:2 - Baibo Busansulushi Bwa Libuku Ili

² Makani Lesa ngaakaamba kwiinda mubaanjelo, akatondeshekwa ayi ngancinencine. Aboobo uyo woonse utakwe kucita kweelana amakani ayo, Lesa wakamupa mulandu weelete.

Bene Ebulu 2:2 Marejeleo ya Msalaba

Kulumbaisha 68:17

Mwaami Lesa wakashika kumusena wakwe usalalite kuswa kuSinayi. Wakesa ashikoci sha maaki sha nkondo shili shuulu ashuulu.

Shakubelenga 11:33

Ono ndibakalinga kucicitebo nyama iinji yakulya, Mwaami Lesa wakakalalila bantu akuleta mwaalu pakati kabo.

Shakubelenga 16:49

Anu bantu bakafwa kumwaalu uyu bakalinga 14,700 kukushako baabo bakafwa ceebo cakwe Kola.

Shakubelenga 21:6

Lyalo Mwaami Lesa wakabatumina nsoka shikali, alimwi bene Isilaeli baanji bakalumwa akufwa.

Shakubelenga 25:9

Sombi bantu bakalinga bacaikwa kale kumwaalu bakalinga 24,000.

Milimo ya Batumwi 7:53

Mwebo ndimwe mwakatambula Milawo yakwe Lesa iyo yakaleta baanjelo mucishi ca panshi, sombi tamukwe kwiikonkela.”

Bene Galatiya 3:19

Ino Milawo yakalinga kucite mulimonshi? Lesa wakabika Milawo kwaamba ayi bantu beshibe shibiibi shabo kushikila luseke ulo lwa mulunyungu lwakwe Abulaamu lwakaambwa mucipangano ndilwakesa. Lesa wakapa bantu Milawo kwiinda mubaanjelo bakwe alimwi amuntu uyo shikwiimikana pakati.

Dutolonomi 17:12

Uyo woonse weshi akanyanshe moomboloshi nabi mupailishi utoosebensa kunembo lya Mwaami Lesa, Lesa wanu ulyeelete kucaikwa. Munshila iyi mulaakukusha bubi ubu pakati ka bene Isilaeli.

Dutolonomi 17:2

“Ono twaambe ayi mwanyumfwa kwaamba ayi musankwa nabi mwanakashi umwi mundabala imwi pakati ka aayo Mwaami Lesa, Lesa wanu ngweshi akamupe, wabisha kuli nguwe akupwaya cipangano cakwe.

Dutolonomi 17:5

muntu uyo mulyeelete kumukusha pansengwe lya ndabala akumucaya kumabwe.

Dutolonomi 27:26

“ ‘Aashinganishikwe muntu uli woonse uyo utakonkeli maswi oonse ali mumilawo yoonse yakwe Lesa.’ “Mpeeke bantu boonse balaakwaamba ayi, ‘Ameni’

Dutolonomi 32:2

Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.

Bene Ebulu 1:1

Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

Bene Ebulu 10:28

Muntu woonse utakonkeli Milawo yakwe Mose, ulacaikwa cakubula nkumbu, na wacanikwa ayi ulicite mulandu kwiinda mubukamboni bwa bantu bobilo nabi botatwe.

Bene Ebulu 10:35

Paceebo ceeco, mutatyongoli mukwiinga na mwatolelela kutaboola pesule, mulaakutambula cilambu cinene.

Bene Ebulu 11:26

Wakabona ayi kupenshekwa ceebo ca Usalitwe wakwe Lesa nkubotu kwiinda kuba abubile boonse bwa muIjipiti mukwiinga wakalinga kulangilabo cilambu ca kunembo.

Bene Ebulu 11:6

Taaku muntu weenga wakondelesha Lesa kaatacite lushomo. Mukwiinga uyo woonse usuni kusena kuli Lesa ulyeelete kushoma ayi Lesa mpwaali alimwi ayi ulapa shilambu kubantu abo bamuyandoola.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

Judi 1:5

Ono ndisuni kumwiibalusha makani amwi, nakubi kwaamba ayi mulyeeshi kale. Mwaami wakafuna bene Isilaeli kuswa muIjipiti, sombi kunembo wakanyonyoola baabo boonse batakwe kumushoma.