Bene Ebulu 12:3 - Baibo Busansulushi Bwa Libuku Ili

³ Amuyeeye mbuli mbwaakapenshekwa ceebo ca lupato lunene abuumbi lwa bamucita shibi! Anu amwebo mutatyongoli akucileka kushoma.

Bene Ebulu 12:3 Marejeleo ya Msalaba

Bene Galatiya 6:9

Anu tutacileeki kucita shibotu mukwiinga paciindi ceelete, tulaakutebula na tubule kutyongooka.

2 Bene Kolinto 4:16

Nceceeco ncetutabooleli pesule. Nakubi kwaamba ayi mibili yesu itooya cicembela, sombi Mwaami utooya citufushishako nkusu muMushimu bushiku abushiku.

Ciyubululo 2:3

Watolelela kupenshekwa ceebo ca ndime alimwi tookwe kutyongola, sobwe.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

2 Bene Kolinto 4:1

Paceebo ceeco tatubooli pesule ceebo tulishi kwaamba ayi Lesa wakatupa mulimo uyu kwiinda munkumbu shakwe.

Joni 5:16

Paceebo ceeco bamaloba ba baJuda bakatalika kupensha Jesu ceebo wakashilika pabushika bwakookesha bwa Cibelu.

1 Samwelo 12:24

Ono kamunyumfwila Mwaami Lesa akumusebensela cakushomeka alimwi acamoyo woonse. Amwiibaluke shintu shikankamanisha isho nshaakamucitila.

Bene Ebulu 12:5

Sa mwalubako maswi alya akumuyumya Lesa ngaakamwaambila anga mbana bakwe basankwa? Wakaamba ayi, “Mwanaangu, konyumfwila Mwaami na kaakulwiita alimwi utanootyongola na wakulwiita cilubo cako.

Luka 14:1

Bumwi bushiku bwakookesha bwa Cibelu Jesu wakeetwa kuya mukulya kuŋanda ya umwi munene wa baFalisi. Mpeeke baFalisi bakalinga kumulangishisha.

Dutolonomi 20:3

‘Amunyumfwe, mwebo nobene Isilaeli! Sunu mutoolwana abalwani banu. Aboobo mutabaloondi, kuboola pesule nabi kwiingana.

2 Bene Tesalonika 3:13

Nakubi boobo nobamakwesu, mwebo tamweelete kucileka kucita shibotu.

Joni 18:22

Ndyaakamana kwaamba boobo, shikulindilila wakalinga kwiimfwi pafwaafwi wakamuuma lupaka pameenso akwaamba ayi, “Sa mbobakumbula mupailishi munene ubo?”

Joni 8:52

Mpomunyaawo bakamwaambila ayi, “Ono twashinisha ayi ulicite shikaswa. Mukwiinga Abulaamu abalaluki bakafwa. Ono webo inga waamba buyani ayi na muntu uli woonse

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Tushimpi 24:10

Na watentuka muciindi ca mapensho ngayi toobeteewo muyumu mumapensho ayo.

Joni 8:59

Lyalo ingayi banyumfwe boobo bakabwesa mabwe ayi baume Jesu, sombi wakabayuba akuloboka kuswa muŊanda yakwe Lesa.

Joni 8:13

BaFalisi bakamwaambila ayi, “Ubo mbootokwaamba utoolyaambilila, aboobo bukamboni bwako taaku mbobubete.”

Joni 7:12

Mpeeke palya pakalinga shakuŋuŋuna shiinji pali nguwe. Bamwi bantu bakalinga kwaamba ayi, “Ngumuntu kabotu.” Ingayi bamwi ayi, “Sobwe, utoolubya bantu.”

Luka 16:14

BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.

Luka 15:2

Mpomunyaawo baFalisi abafundishi ba Milawo bakatalika kutongooka akwaamba ayi, “Uyu muntu ulatambula buyani bantu batakonkeli Milawo yakwe Mose akulyaabo?”

Luka 5:21

Ingayi bafundishi ba Milawo alimwi abaFalisi bakatalika kwiipushanya ayi, “Ino ngani uyu utoocobola Lesa? Ngani weenga walekelela shibiibi? sa te nguLesa eenkabo?”

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Mateyo 22:15

Ono baFalisi bakanyamuka kuya mukulifuyafuya ayi bacate Jesu kwiinda mukwaamba kwakwe.

Mateyo 21:46

Aboobo, bakalinga kusuni kwaamba ayi bamucaate. Sombi bakaloonda bantu baanji abo bakalingaawo ceebo bakalinga kushoma ayi Jesu ngumulaluki.

Mateyo 21:23

Mpomunyaawo Jesu wakenjila muŊanda yakwe Lesa, ono ndyaakalinga kwiisha, bamatanjilili ba bapailishi abamaloba ba baJuda bakaya mukumwiipusha ayi, “Ino ninkusunshi nshoocite shakucita shintu ishi? Wakakupa nkusu shakucita bobulya ngani?”

Mateyo 15:2

“Ceebonshi bashikwiiya bako tabakonkeli kwiisha kwa bakulukulu? Ino tabasambilinshi kumaansa pakulya kweelana amulawo wa ciJuda?”

Mateyo 12:24

Sombi baFalisi ndibakanyumfwa makani aya, bakaamba ayi, “Taaku umbi, nguBilusebulu mwaami wa bashikaswa umupa nkusu shakubakusha.”

Mateyo 11:19

Ono MwanaaMuntu ndyaakesa kaalya akunwa, bantu bakaamba ayi, ‘Amubone ngumulyabi, ngucakolwa, ngushicibusa abeshikusonkesha alimwi abamucita shibi.’ Sombi busongo bwakwe Lesa bulaboneka ayi buliluleme kwiinda mumilimo ya mbubo.”

Joni 9:40

BaFalisi bamwi abo mbaakalingaabo ndibakanyumfwa boobo, bakeepusha ayi, “Sa aswebo tuli boofu?”

Joni 10:20

Baanji mulikoto lyabo bakaamba ayi, “Ulicite shikaswa, ngushincinko, anu ngwaanshi wakukutika?”

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.