Bene Ebulu 10:1 - Baibo Busansulushi Bwa Libuku Ili

¹ Milawo ya baJuda teshi nsheshoolwe shancinencine, sombi ileemikaninabo shoolwe isho shitoosa. Milambu ya mushobo womwi ilabengwa mwaaka amwaaka. Sombi Milawo taikoonshi kusalasha bantu besa kuli Lesa kwiinda mumilambu iyo.

Bene Ebulu 10:1 Marejeleo ya Msalaba

Bene Lefi 9:16

Wakaleta amunyama wa mulambu wakutenta, akumubenga kweelana amilawo.

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

Bene Kolose 2:17

Shoonse ishi shintu nshimfulebo sha sheesho shancinencine shili kunembo. Sombi shancinencine isho, nguKlistu.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Bene Ebulu 7:11

Milawo yakapekwa bene Isilaeli yakapekwa kweendelana abupailishi bwa bene Lefi. Ono bapailishi bamulunyungu lwakwe Lefi nebakasebensela Lesa kweelana ambocakalinga kuyandika, naakwiinga takuyandiki mupailishi umwi upusene ambabo, wa wooyo uswa mumushobo wa bupailishi bwakalinga kucite Melikisedeki, kuteshi Aloni.

Bene Ebulu 8:5

Milimo bapailishi njebacita ilibo anga ncimfule nabi cikoshanyo ca sheesho sha kwiculu. Cilibo bweenka mbuli mbocakalinga kuli Mose. Mukwiinga Mose ndyaakalinga kusuni kuyaka Tente ya Cipangano Lesa wakamwaambila ayi, “Ulyeelete kuyaka akucita shoonse kweelana ambuli mbowakaboneshekwa pakalundu.”

Bene Ebulu 9:11

Sombi Klistu wakaba kale Mupailishi Munene wa shintu shibotu shiliiwo bulya. Tente njaasebenselaamo njabulemu alimwi teecite kampenda. Teshi bantu bakeeyaka alimwi tente iyi teshi ya mucishi ca panshi.

Bene Ebulu 9:23

Nkokwaamba ayi shintu isho shakalinga kwiimikanina shancinencine sha kwiculu, mboshakalinga kusalashikwa ubo. Sombi shintu sha kwiculu shiine kwaamba ayi shisalashikwe, kulayandika milambu yiinda payeeyo yakalinga kwiimikaninwa.

Bene Ebulu 9:25

Mupailishi munene wa baJuda ulenjila muMusena Usalalite Wiindaawo linkanda lyomwi pamwaaka, akutola bulowa bwa munyama, buteshi bwakwe. Sombi Klistu taakwe kwiinjila ayi anoolibenga lyoonse,