Bene Ebulu 1:6 - Baibo Busansulushi Bwa Libuku Ili

⁶ Sombi Lesa ndyaakalinga kutuma Mwanaakwe wakwiiya mucishi ca panshi, wakaamba ayi, “Baanjelo bakwe Lesa boonse balyeelete kunoomulambila.”

Bene Ebulu 1:6 Marejeleo ya Msalaba

Bene Kolose 1:18

Lakwe ngomutwi wa mubili wakwe, nkokwaamba ayi coonde. Lakwe ngomatalikilo a coonde alimwi ngomutaanshi kubushikwa kuswa kubafu, kwaamba ayi abe mutaanshi pashintu shoonse.

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”

Kulumbaisha 97:7

Abo boonse balambila shibumbwabumbwa balalenshekwa nsoni, ee, abo boonse balyuuma mucaamba ceebo ca shibumbwabumbwa. Abalo balesa balafukama kunembo lya Mwaami Lesa mukumulambila.

Bene Kolose 1:15

Lesa utaboneki wakaboneka kwiinda muli Klistu. NgoMwanaakwe Lesa mutaanshi wiinda pashilengwa shoonse.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.

1 Joni 4:9

Lesa wakatondesha ayi ulitusuni kwiinda mukututumina Mwanaakwe wakashalwabo eenka mucishi ca panshi ayi muli nguwe tukabe abuumi.

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Bene Ebulu 10:5

Paceebo ceeco, Klistu ndyaakalinga pafwaafwi kwisa mucishi ca panshi, wakaambila Lesa ayi, “Toosuni milambu ashipo shimwi shoonse sombi walengesha ayi mbe amubili.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Bene Ebulu 1:5

Mukwiinga kuswabo kale kale, taaku munjelo Lesa ngwaakaambilawo kale ayi, “Ndiwe Mwanaangu, sunu ndaba baIso.” Alimwi Lesa taakwe kwaambilawo kale munjelo nabi womwi ayi, “Nebo ndaakuba baIshi alakwe ulaakuba Mwanaangu.”

Mateyo 24:14

Lyalo Makani Abotu aya aamba shaBweene bwa kwiculu, alaakushimikilwa mucishi coonse kwaamba ayi akabe mbobukamboni kubantu boonse. Kuswawaawo, cishi ndyeshi cikamaane.