Bene Ebulu 1:2 - Baibo Busansulushi Bwa Libuku Ili

² Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

Bene Ebulu 1:2 Marejeleo ya Msalaba

Matalikilo 49:1

Jakobo wakeeta bana bakwe basankwa akwaamba ayi, “Amubungane pano, mulwiite ceshi cikamucitikile kunembo.

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 45:12

Ndime ndakalenga cishi ca panshi akulenga bantu bekalaamo. Ngamaansaangu nemwiine akafungulula liculu alimwi ndime nyendelesha makoto makoto anyenyeenshi ashimwi shiliimo.

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Jelemiya 30:24

Bukali bwa Mwaami Lesa buyoosha teshi bukamaneewo kushikila bukacite shoonse nshaasuni. Munshiku shitoosa, mwebo mulaakunyumfwisha cikani ici.

Jelemiya 48:47

“Nakubi boobo ndaakulengesha bene Moabu kuswitilila alimwi munshiku shitoosa. Nebo neMwaami Lesa ndaamba.” Anu peenka apa mpopeela makani akoomboloshekwa kwa cishi ca Moabu.

Esekelo 38:16

Mulaakulwana bantu bangu bene Isilaeli anga ndikumbi lyafwekelesha cishi. Ciindi ico caakushika, webo Gogi, ndaakukutuma kuya mukulwana cishi cangu kwaamba ayi mishobo imwi ikanshiibe. Ndaakutondesha ayi ndisalalite pameenso abo kwiinda muli ndiwe.

Danyelo 10:14

Ono ndesa mukukulengesha kunyumfwisha ceshi cikacitike kubene mishaanu kunembo. Ici ncili anga nciloto caamba pashintu sheshi shikacitike kunembo.”

Danyelo 2:28

Sombi kuli Lesa wa kwiculu uyo uyubulula shishisitwe. Lesa wamutondesha mwebo nobaNebukadinesa isho sheshi shikacitike kunembo. Ono ntoomulwiita ciloto canu alimwi ashili anga nshiloto isho nshemwakabona pabulo bwanu.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Mika 4:1

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Shakubelenga 24:14

Lyalo Balaamu wakaambila Balaki ayi, “Ono bulya ntooboolela kubene misheesu, sombi kaantana kuya, ntookucenjeshaako pashintu isho bene Isilaeli nsheshi bakacite kubantu bako munshiku shitoosa.”

Mateyo 13:39

Ono mulwani wakashanga misonde nguMubiibi. Sombi ciindi ca kutebula ngamamanino a cishi ca panshi alimwi beshikutebula mbaanjelo.

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Mateyo 21:38

Sombi balimi balya ndibakabona mwaana uyo, bakatalika kulwiitana ayi, ‘Uyu ngweshi akapyane buboni boonse. Atumucaye, kwaamba ayi buboni boonse bukabe bwesu.’

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Maako 1:1

Aya ngomatalikilo a Makani Abotu aamba pali Jesu Klistu, Mwanaakwe Lesa.

Maako 12:6

Mwine muunda uyu wakacaalabo amuntu womwi wakutuma, mwanaakwe musankwa ngwaakalinga kusunishi. Kumamanino, wakamutuma kubalimi. Wakaamba ayi, ‘Mwanaangu lakwe balaakumupa bulemu.’

Maako 12:7

Sombi balimi abo bakatalika kulwiitana ayi, ‘Uyu ngweshi akapyane buboni boonse. Atumucaaye kwaamba ayi buboni boonse bukabe bwesu.’

Joni 1:10

Lakwe wakalingaamo mucishi cino alimwi cishi cakalengwa kwiinda muli nguwe. Nakubi boobo bantu ba mucishi tabakwe kumwishiba.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Joni 1:3

Lesa wakalenga shintu shoonse kwiinda muli nguwe. Naatalinga nguwe naakwiinga taaku cakalengwa nabi comwi.

Joni 13:3

Jesu wakalinga kwishi ayi wakapekwa shintu shoonse mumaansaakwe. Wakalinga kwishi alimwi ayi wakaswa kuli Lesa alimwi ulaakuboolela kuli nguwe.

Joni 13:32

Ono na Lesa walemekwa kwiinda muMwanaakwe, nkokwaamba ayi alakwe Lesa mwiine ulaakulemeka Mwanaakwe alimwi utoocita boobo paciindi ceenka cino.

Joni 15:15

Teshi kamwiiteewo ayi basebenshi ceebo musebenshi taashibi shitoocita mwaami wakwe. Sombi ntoomwiita ayi babyaanji ceebo shoonse nshendakanyumfwa kuli baTa, ndakamulwiita.

Joni 16:15

Shoonse sha baTa nshaangu. Nceceeco ncendaambila ayi Mushimu ulaakubwesu maswi angu akumusansulwita.

Joni 17:2

Mukwiinga mwakamupa nkusu shakweendelesha pabantu boonse kwaamba ayi ape buumi butamaani kubaabo boonse mbomwakamupa.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Joni 3:25

Bashikwiiya bakwe Joni bamwi bakatalika kupikishanya amuJuda umwi pamulawo wakusamba kumaansa kweelana akwishibila kwa baJuda.

Joni 5:26

Bweenka baIshi mbobali matalikilo a buumi, alakwe Mwaana bamupa nkusu sha kuba matalikilo a buumi.

Joni 5:27

Mwaana wakamupa ankusu shakoombolosha mukwiinga ngoMwanaaMuntu.

Joni 9:29

Tulishi kwaamba ayi Lesa wakalinga kwaamba aMose, sombi uyo muntu lakwe tatwishi ankwaaswa.”

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Milimo ya Batumwi 2:17

‘Lesa wakaamba ayi, Munshiku shamamanino, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bacikula bwangu banu basankwa balaakubona shintu anga muciloto, abalo bamacembele banu basankwa balaakulota shiloto.

Bene Loma 1:4

Sombi Mushimu Usalashi wakatondesha cankusu ayi ngoMwanaakwe Lesa kwiinda mukumubusha kuswa kubafu. Uyu nguMwaami wesu Jesu Klistu.

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

1 Bene Kolinto 2:7

Busongo mbotwaamba mbwakwe Lesa ubo bwakalinga kushisitwe. Lesa wakabubambilabo limwi kaatana kulenga cishi kwaamba ayi aswebo tukabe abulemu bwakwe Lesa.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

Bene Efeso 1:10

Muyeeyo uyu Lesa ngweshi akacite ciindi ceelete caakushikila, nkuleta shilengwa shoonse sha panshi akwiculu pantu pomwi mubweendeleshi bwakwe Klistu.

Bene Efeso 3:9

Wakampa amulimo wakusansulwita bantu boonse Lesa mbweshi akalengeshe muyeeyo wakwe wa bushishi kucitika. Lesa, uyo wakalenga shintu shoonse, walinga kushisite cikani ici kuswabo kale kale.

Dutolonomi 18:15

Mwaami Lesa, Lesa wanu ulaakumutumina mulaluki wa mbuli ndime kuswa mulikoto lyanu. Aboobo mulyeelete kunoomunyumfwila.

Dutolonomi 31:29

Mukwiinga ndishi ayi ndaakufwa, balaakutalika kubisha akukaka nshendabalwiita. Mpeeke munshiku shitoosa, balaakupolelwa mapensho ceebo ca kubisha kunembo lya Mwaami Lesa akumukalasha kwiinda mukucita sheesho nshaakabakasha.”

Dutolonomi 4:30

Mwaakuba mumapensho alimwi shoonse ishi shaakucitika, lyalo mulaakupilukila kuMwaami Lesa, Lesa wanu akumunyumfwila.

Bene Ebulu 1:5

Mukwiinga kuswabo kale kale, taaku munjelo Lesa ngwaakaambilawo kale ayi, “Ndiwe Mwanaangu, sunu ndaba baIso.” Alimwi Lesa taakwe kwaambilawo kale munjelo nabi womwi ayi, “Nebo ndaakuba baIshi alakwe ulaakuba Mwanaangu.”

Bene Ebulu 1:8

Sombi kwalo kuMwanaakwe, Lesa wakaamba ayi, “OLesa, cuuna ca bwaami bwako cilaakunoolikobo lyoonse, alimwi mubweendeleshi bwako muli bululami.

Bene Ebulu 11:3

Kwiinda mulushomo, tulishi kwaamba ayi Lesa wakalenga cishi kwiinda mumaswi. Aboobo shintu nshetubona, shakalengwa kuswa mushintu shitaboneki.

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Bene Ebulu 4:14

Anu atuyuminine akutolelela mulushomo ndotushimikila. Mukwiinga tulicite Mupailishi Munene wiindaawo, uyo wakenjila kwiculu kubete Lesa. Uyu nguJesu, Mwanaakwe Lesa.

Bene Ebulu 5:8

Nakubi kwaamba ayi Jesu wakalinga Mwanaakwe Lesa, kwiinda mukupenshekwa kwakwe wakeeya kunyumfwila Lesa.

Bene Ebulu 7:28

Milawo yakwe Mose ilabika bantu balefukite kuba bapailishi banene. Sombi kwiinda mukulumbila uko kwakesa pesule lya Milawo, Lesa wakabika Mwanaakwe ululeme, kwaamba ayi abe Mupailishi Munene wamuyayaya.

Bene Ebulu 7:3

MuMalembo akwe Lesa taaku palembetwe shabaishi Melikisedeki, banyina nabi bamashali bakwe bakulukulu. Taaku ushi shakushalwa nabi kufwa kwakwe. Ulibo anga nguMwanaakwe Lesa mukwiinga ngumupailishibo lyoonse muyayaya.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

1 Pita 1:20

Lesa wakasalilabo limwi Klistu cishi kacitana kulengwa alimwi ceebo ca ndimwe wakalengesha ayi mumubone ciindi cino cakumeelelesho.

2 Pita 3:3

Cinene ncemweelete kwishiba ncakwaamba ayi munshiku shino shakweelaako, kulaakwisa bantu beshikumuseka abo beendeleshekwa alunkumbwa lwa mibili yabo.

Judi 1:18

Bakamulwiita ayi, “Munshiku shakweelaako, kulaakuba bantu beshibakanoomuseka akukonkela shibiibi shiyanda mibili yabo.”