Bene Ebulu 1:11 - Baibo Busansulushi Bwa Libuku Ili

¹¹ Shoonse ishi shilaakumana, sombi webo ulaakunoolikobo lyoonse. Shoonse shilaakumana ncito bweenka mbuli shakufwala.

Bene Ebulu 1:11 Marejeleo ya Msalaba

Kulumbaisha 10:16

Ono Mwaami Lesa, nguMwaami lyoonse alyoonse. Abo balambila balesa bamwi balaakuloba mucishi cakwe.

Kulumbaisha 102:26

Sombi shoonse ishi shilaakumana, sombi mwebo mulaakucaala. Shoonse shilaakusansooka anga nshakufwala. Mulaakushisowa anga nshakufwala shifwite, lyalo shilaakushimingana.

Kulumbaisha 29:10

Mwaami Lesa ulishiite pacuuna ca bwaami akweendelesha maanshi ayoosha. Ncakwiila unanooli Mwaami lyoonse alyoonse.

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Isaya 34:4

Lyalo nyenyeenshi shoonse sha kwiculu shilaakusunguluka, alyalo liculu lilaakufungeelwabo anga nimpasa. Shoonse shibala mwiculu shilaakumana kuloka. Shilaakunoolokabo anga ngamatewu a cisamu ayuma, nabi anga ninkuyu shanyana shitooloka kucisamu.

Isaya 41:4

Ino ono ngani wakacita shintu shoonse ishi? Ngani wakayeeya kucita boobo kuswa kumatalikilo? Ndimeeke neMwaami Lesa. Kumatalikilo ndakalingaako akwalo kumeelelesho ndaakubaako.”

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Isaya 50:9

Mwaami Lesa Shinkusu shoonse ngooncafwa. Ono umwi weenga wancanina mulandu ngani? Anu boonse banteya milandu balaakumana kusansooka anga ninsalu. Balaakumana kulobabo anga ncakufwala calikwa muswa.

Isaya 51:6

Ono amulange kwiculu, mulange apacishi ca panshi. Liculu lilaakushiminganabo anga mbwiishi. Cishi ca panshi cilaakusansookabo anga ncakufwala abalo abo bekalaamo, balaakumana kufwabo anga mbaloonshi. Sombi lupulusho lwangu ndwalyoonse alyoonse alimwi kufuna kwanu teshi kukeelebo waawo peenka, sobwe.

Isaya 51:8

Balaakunyonyookabo anga ncakufwala calikwa muswa. Sombi lupulusho lwangu ndwalyoonse alyoonse alimwi kufuna kwangu teshi kukeelebo waawo peenka, sobwe.”

Isaya 65:17

Mwaami Lesa waamba ayi, “Ntoolenga liculu lipya acishi ca panshi cipya. Shintu shikulukulu shilaakulubwa alimwi teshi shikeebalukweewo napaceyi.

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Maako 13:31

Liculu alimwi acishi ca panshi shilaakumana, sombi maswi angu teshi akamaneewo, sobwe.

Luka 21:33

Liculu alimwi acishi ca panshi shilaakumana, sombi maswi angu teshi akamaneewo, sobwe.

Bene Ebulu 12:27

Aboobo, liswi lyakwaamba ayi, “Alimwi” lilabonesha patuba ayi shilengwa shoonse shilaakutenkaanishikwa alimwi akukushikwa, kwaamba ayi kukacaale sheesho shitatenkaanishikwi.

Bene Ebulu 8:13

Kwiinda mumaswi akwaamba ayi, “Cipangano cipya,” Lesa walengesha ayi cipangano citaanshi cibule mulimo. Ono na cintu coonse cabula mulimo alimwi cakubuluka, ingayi cili pafwaafwi kuloba.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Ciyubululo 2:8

“Mutanjilili wa kucoonde ca kuSimeena, umulembele ayi, “Aya ngamakani aamba wooyo uli ngoMatalikilo alimwi aMamanino uyo wakafwa akuba abuumi.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 21:1

Kuswawaawo ndakabona liculu lipya alimwi acishi ca panshi cipya mukwiinga liculu litaanshi alimwi acishi citaanshi shakamana, alwalo lweenge lwakashimingana.