Bene Ebulu 1:1 - Baibo Busansulushi Bwa Libuku Ili

¹ Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

Bene Ebulu 1:1 Marejeleo ya Msalaba

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Matalikilo 6:3

Lyalo Mwaami Lesa wakaamba ayi, “Mushimu wangu teshi ukapikishanye abantu lyoonse ceebo balafwa. Kuswa sunu teshi bakekale myaaka iinda 120.”

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Luka 1:55

Taakwe kuluba kucitila nkumbu Abulaamu alunyungu lwakwe kushikila muyayaya.”

Luka 1:72

Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Luka 24:27

Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Joni 16:13

Ono Mushimu wiisha lushinisho pakwisa, lyalo ulaakumutanjilila mushintu shoonse shalushinisho. Ceebo teshi akaambe shaakwe mwiine, sombi ulaakusansulula sheesho nshaakanyumfwa kuli baTa alimwi akumulwiita shintu nsheshi shikese kunembo.

Joni 7:22

Mose wakamupa mulawo ayi munoopalula bana banu basankwa (nabi tookwe kuswa kuli Mose, sombi wakaswa kubakulukulu) aboobo mulapalula mwaana musankwa pabushiku bwakookesha bwa Cibelu.

Joni 9:29

Tulishi kwaamba ayi Lesa wakalinga kwaamba aMose, sombi uyo muntu lakwe tatwishi ankwaaswa.”

Milimo ya Batumwi 13:32

Aboobo swebo twesa mukumushimikila Makani Abotu akwaamba ayi ico Lesa ncaakashomesha kubamashali bakulukulu ba baJuda,

Milimo ya Batumwi 2:30

Ceebo wakalinga mulaluki mukulukulu, wakeshiba ayi Lesa wakamushomesha akumukonkomesha ayi mulunyungu lwakwe mulaakuswa aumwi mwaami ngweshi akabe mbuli nguwe.

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.

Milimo ya Batumwi 3:21

Lakwe ulyeelete kunooli kwiculu kushikila ciindi shintu shoonse shikalengwe cipya, kweelana abwakaamba Lesa kalekale, kwiinda mubalaluki bakulukulu basalalite.

Bene Ebulu 11:18

Pamwaana uyu, Lesa wakalinga waamba ayi, “Muli Isaki mweshi mukaswe bamulunyungu lwako mbondakakushomesha.”

Bene Ebulu 11:2

Ceebo ca lushomo lwa bamashali besu bakulukulu, Lesa wakakondwa muli mbabo.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Bene Ebulu 2:2

Makani Lesa ngaakaamba kwiinda mubaanjelo, akatondeshekwa ayi ngancinencine. Aboobo uyo woonse utakwe kucita kweelana amakani ayo, Lesa wakamupa mulandu weelete.

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.

Bene Ebulu 3:5

Mose wakalinga kushomeka kuli Lesa ceebo wakalinga musebenshi shikutanjilila bantu bakwe Lesa alimwi wakalinga kwaamba shintu isho Lesa nshaakalinga kubambite kwaamba kunembo.

Bene Ebulu 4:8

Joshiwa naakalengesha ayi bantu bookeshe kweelana akushomesha kwakwe Lesa, naakwiinga pesule, Lesa taakwe kwaamba shabushiku bumwi alimwi.

Bene Ebulu 5:5

Mbweeke ubo, alakwe Klistu taakwe kulipa bulemu bwakuba Mupailishi Munene mwiine. Sombi nguLesa wakamwaambila ayi, “Ndiwe Mwanaangu, sunu ndaba baIso.”

Bene Ebulu 9:19

Cakutaanguna, Mose wakalwiita bene Isilaeli shaMilawo yakwe Lesa yoonse. Lyalo wakabwesa bulowa bwa bacende alimwi ampongo, wabusenkanya amaanshi akusanseela palibuku lyakalinga kulembetwemo Milawo alimwi apabantu boonse. Pakusanseela wakasebensesha kasamu kwakalinga kwaangitwe booya busalala bwa mbelele.