Amosi 9:2 - Baibo Busansulushi Bwa Libuku Ili

² Nabi bakakaabe panshi kushika kumusena wa bafu, lyaansa lyangu lilaakubakushaako uko. Nabi bakataante kushika kwiculu, nebo ndaakubaselushaako.

Amosi 9:2 Marejeleo ya Msalaba

Jobo 20:6

Nabi kulisumpula kwakwe kushike kwiculu, cakwaamba ayi amutwi wakwe washika mumakumbi,

Jobo 22:13

Sombi uleepusha ayi, ‘Ino Lesa nciinshi nceeshi? Sa inga wakonsha koombolosha mumakumbi ashiya mbi mwaabete?

Jobo 24:23

Ulamulekabo ayi ekala cakuliiba, sombi nshila shakwe shoonse ulishibwene.

Jobo 26:6

Cishi ca bafu cilibo bwaashi kuli Lesa. Musena wakunyonyookela tooyubiteewo kuli nguwe.

Jobo 34:22

Taakuuwo munshinshe nabi musena ushiya mbi uko bamucita shibi nkweenga bayubila Lesa.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Jelemiya 51:53

Nabi Babiloni akatante kwiculu akuyaka ciyubilo ciyumu uko, ndaakutuma beshikunyonyoola kuya mukumulwana. Nebo neMwaami Lesa ndaamba.”

Esekelo 26:20

Ndaakukutuma kumusena wa bafu kuya mukuba pantu pomwi abaabo bakafwa kalekale. Ndaakukulengesha kuya mukwikala kunshi lya cishi mumatongo akulukulu mukusenkana abafu. Aboobo bantu teshi bakekale tubili muli ndiwe nabi webo kuboola mucishi ca bantu boomi.

Esekelo 31:14

Paceebo ceeco taakuuwo shisamu shimwi shili kufwaafwi amaanshi sheshi shikalaampe mbuli ceeco alimwi mukushika mumakumbi. Taaku cisamu cimwi citililwa kabotu ceshi cikalaampe mbuli cisamu ico. Shoonse shilaakufwa bweenka bufwa bantu, ee, bweenka buya baabo baya kumusena wa bafu.’ ”

Obadiya 1:4

Nabi muuluke akuya mwiculu abuumbi anga ngumumbankwashi, akuyakila ŋanda yanu pakati ka nyenyeenshi, nebo ndaakumuboosha panshi. Nebo neMwaami Lesa ndaamba.”

Luka 10:18

Jesu wakabakumbula ayi, “Ndakamubona Satana kaaloka kuswa kwiculu mbuli kubeka kwa mfula.