Amosi 9:15 - Baibo Busansulushi Bwa Libuku Ili

¹⁵ Ndaakushanga bene Isilaeli mucishi ncendakabapa. Ncakwiila taaku weshi akabatumunemo tubili. Nebo neMwaami Lesa, Lesa wanu ndaamba.”

Amosi 9:15 Marejeleo ya Msalaba

Kulumbaisha 44:2

Twakanyumfwa mbomwakatanda mishobo ya bakunsengwe mucishi, akukalikaamo bamashali besu bakulukulu mucishi cabo. Twakanyumfwa mbuli mbomwakaanisha mishobo imwi yoonse, akulengesha mushobo wa bantu banu kuswitilila.

Kulumbaisha 80:8

Mwakatumuna bene Isilaeli mucishi ca Ijipiti anga ngumunyansa. Mwakatandaanya mishobo imwi muno kwaamba ayi mushangemo mbabo.

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Jelemiya 16:15

Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi cakumatwa amushishi shimwi shoonse nshaakabatandilaamo.’ Balaakunoocita boobo ceebo ndaakubapilusha mucishi ico ncendakapa bamashali babo bakulukulu. Nebo neMwaami Lesa ndaamba.”

Jelemiya 23:8

Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi ca kumatwa amushishi shimwi shoonse nshaakabatandilaamo.’ Lyalo balaakwikala mucishi cabo beene.”

Jelemiya 24:6

Ndaakubalama kwaamba ayi shintu shibeendele kabotu akubaboosha kucishi cino. Ndaakubayaka, teshi nkabamwaaye, ndaakubashanga, teshi nkabatumune, sobwe.

Jelemiya 3:18

Munshiku isho bene Juda balaakupaankana abene Isilaeli, lyalo boonse balaakuswa kucishi ca busha cakumatwa kwisa kucishi ico ncendakapa bamashali babo bakulukulu ayi ncabo.”

Jelemiya 32:15

Ncakwiila Mwaami Lesa Shinkusu shoonse, Lesa wa bene Isilaeli waamba ayi, ‘Maanda, myuunda imwi amyuunda ya minyansa ilaakuulwa alimwi mucishi cino.’ ”

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Jelemiya 32:41

Anebo ndaakunoosangalete amoyo wangu woonse pakubacitila shintu shibotu akubekalika mucishi cino kwanshiku shoonse.”

Jelemiya 33:7

Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Esekelo 34:28

Teshi bakasaalweewo tubili kumishobo imwi nabi na kulikwa kubanyama ba muluundu. Balaakwikala kwakubula cakulisukama alimwi taaku muntu weshi akabaloondesheewo.

Esekelo 37:21

akubaambila ayi nebo neMwaami Lesa Shinkusu shoonse ndaamba ayi, Ndaakukusha bene Isilaeli kuswa mumishobo iyo njebakaya mukwikalaako mumbasu shone shoonse sha cishi ca panshi akubaboosha mucishi cine mishaabo.

Esekelo 37:25

Balaakwikala mucishi ico ncendakapa musebenshi wangu Jakobo, ee, cishi ico cakalinga kwikalaamo bamashali banu bakulukulu. Balo, bana babo alimwi abamulunyungu lwabo balaakunookala mumo kwamuyayaya. Wamulunyungu lwakwe Defedi ngweshi akabe mwaami wabo kwalyoonse alyoonse.

Jowelo 3:20

Bantu balaakunookala mucishi ca Juda lyoonse alyoonse amwalo mundabala ya Jelusalemu mulaakunookala bantu kwamashalane oonse.

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.