Amosi 7:9 - Baibo Busansulushi Bwa Libuku Ili

⁹ Misena bamulunyungu lwakwe Isaki njebakalinga kulambililaako ilaakunyonyoolwa. Misena isalalite ya bene Isilaeli, ilaakuba matongo. Ndaakulengesha bulelo bwa mwaami Jeloboamu kumana kunkondo.”

Amosi 7:9 Marejeleo ya Msalaba

Matalikilo 46:1

Jakobo wakalongela shoonse nshaakalinga kucite. Lyalo wakaya kuBiyasheba uko nkwaakaya mukubenga mulambu kuli Lesa wakwe Isaki, ishi.

2 Baami 14:24

Wakabishisha Mwaami Lesa alimwi wakatolelela kucita shibiibi shakalinga kucita Jeloboamu mwanaakwe Nebati uyo wakalengesha bene Isilaeli kubisha.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Jelemiya 51:51

Mulaamba ayi, ‘Swebo tulicite nsoni ceebo twacobolwa. Aboobo tulilisendete cibiibi mukwiinga baswamashi bakenjila mumisena isalalite ya muŊanda yangu nebo neMwaami Lesa.’

Esekelo 6:3

Ulwiite tulundu twa Isilaeli ayi tukutike maswi angu neMwaami Lesa. Tukutike maswi ayo nebo neMwaami Lesa Shinkusu shoonse ngoontokwaamba kuli ntuto, nkokwaamba ayi tunene atuniini, kumimpwaampwa ya ntuto alimwi akushinyika. Nebo ntokwaamba ayi, ‘Ndaakutuma nkondo akunyonyoola misena iyo bantu njebalambilaako shibumbwabumbwa.

Osiya 10:8

Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”

Amosi 3:14

Waamba ayi, “Pabushiku ndaakupa mulandu bene Isilaeli ceebo ca shibiibi shabo, ndaakunyonyoola shipaililo sha bene Betelo. Meeca a mumakonko a cipaililo alaakutimbulwa akulokela panshi.

Amosi 5:5

Mutanoolangoola ndabala ya Betelo. Mutayi kundabala ya Gilugala. Mutayi lweendo kundabala ya Biyasheba mukwiinga ndabala ya Gilugala ilaakucatwa busha ayalo ndabala ya Betelo ilaakubabo matongo.”

Amosi 7:11

Amosi utokwaamba ayi, ‘Jeloboamu ulaakufwa munkondo. Abalo bene Isilaeli balaakutolwa busha kuswa mucishi cinebo.’ ”

Amosi 7:13

Utakalalukili tubili kuno kuBetelo mukwiinga ngumusena umo mwaami mwaalambilila alimwi niŊanda yakwe Lesa ya cishi cino.”

Amosi 8:14

Boonse bashomesha cakulumbila kushibumbwabumbwa shine Samaliya, nabi baamba ayi, ‘Bweenka mbocibete lushinisho ayi lesa wako ondabala ya Dani ngumuumi,’ nabi ayi, ‘Bweenka mbocibete lushinisho ayi lesa wa kuBiyasheba ngumuumi,’ balaakuwa cakutabukaawo, sobwe.”

Amosi 9:1

Ndakabona Mwaami Lesa kaaimfwi pacipaililo. Wakaamba ayi, “Amuume macinko a Ŋanda yakwe Lesa kwaamba ayi cipinda cakumwinjililo coonse citenkaane. Mwaawishile pamitwi ya bantu. Taaku nabi womwi eshi akaloboke, ee, taaku nabi womwi eshi akapuluke.

Mika 1:5

Shoonse ishi shitoocitika ceebo cakubisha kwa bamulunyungu lwakwe Jakobo, nkokwaamba ayi shibiibi sha bene Isilaeli. Ino ngani wakalengesha bamulunyungu lwakwe Jakobo kubisha? Sa te nindabala inene ya Samaliya? Ino ngani wakalengesha bene Juda kulambila shibumbwabumbwa? Sa te nindabala inene ya Jelusalemu?