Amosi 5:15 - Baibo Busansulushi Bwa Libuku Ili

¹⁵ Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Amosi 5:15 Marejeleo ya Msalaba

2 Samwelo 16:12

Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

1 Baami 20:31

Bacinenenene bakwe bakesa kuli nguwe akwaamba ayi, “Twanyumfwa ayi bamaami bene Isilaeli balicite nkumbu. Amutusuminishe tuye kumwaami wa bene Isilaeli katufwete amasaka mumakome alimwi akwaanga ntambo munshingo. Mpashi inga wamulekelela mwebo kwaamba ayi atamucaayi.”

2 Baami 13:7

Jeowasi taakalinga kucite bashilumamba bakacaalaako, sombibo beshikulwanina pamaaki bali makumi osanwe, shikoci likumi abashilumamba beshikulwanina panshi bali 10,000 mukwiinga mwaami wa bene Silya wakanyonyoola boonse akubapela anga ngamaila pampelo.

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

2 Baami 19:4

Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”

Kulumbaisha 119:104

Ndaba abusongo kuswa mumilasho yanu. Aboobo ndipatite nshila yoonse ibiibi.

Kulumbaisha 34:14

Ulyeelete kusanduka kuswa kushibiibi, akutalika kucita shiluleme. Ulyeelete kuyandoola akukonkela luumuno.

Kulumbaisha 36:4

Balo nabi balilete pabulo mulimo wabo nkupanga miyeeyo ibiibi. Taaku cintu cibotu nabi comwi ncebacita, alimwi taaku cintu cibiibi cili coonse ncebakakaawo.

Kulumbaisha 37:27

Amuswe kububi mucite shibotu. Munshila iyo lyoonse mulaakunookala cakutalibilika.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Kulumbaisha 97:10

Abo basuni Mwaami Lesa abapate bubi, mukwiinga ulalama buumi bwa baabo bashomeka kuli nguwe. Ulabafuna kuswa kunkusu sha bamucita shibi.

Kulonga 32:30

Pabushiku bwakaboolaawo, Mose wakaambila bantu ayi, “Mwacita cibiibi ciyoosha. Sombi bulya ntooya pakalundu alimwi kuMwaami Lesa, mpashi inga wanyumfwila akumulekelela cibiibi canu.”

Jelemiya 18:8

sombi pesule mushobo uyo ngondakacenjesha wasanduka kuswa kushibiibi sha nguwo, teshi nkacite shintu shibiibi nshendakaamba kucita kuli nguwo.

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Jelemiya 31:7

Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’

Esekelo 45:9

Mwaami Lesa Shinkusu shoonse wakaamba ayi, “Mwebo nobaleli bene Isilaeli, mweendilisha kubisha nobene Isilaeli! Amucileeke shalunkutwe alimwi akulyatilila bamwi. Amucite shintu shakutanyengelela alimwi shiluleme. Mutakatandi tubili bantu bangu kuswa mucishi cabo. Nebo neMwaami Lesa Shinkusu shoonse ndaamba.

Danyelo 2:49

Lyalo kweelana akusenga kwakwe Danyelo, mwaami wakalengesha Shadileki, Mishaki aAbedinego kuba bacinenenene mucishi ca Babiloni. Sombi Danyelo lakwe wakacaala kaasebensela kuŋanda ya kubwalo.

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Amosi 5:10

Mulipatite bantu bapikisha koombolosha kwakunyengelela akusebaanya wooyo waamba shalushinisho munkuta.

Amosi 5:24

Sombi koombolosha kwakutanyengelela kwanu akube anga nkalonga katookunka. Akwalo kululama kwanu kube anga ngumulonga utookunka cakubula kuyuma.

Amosi 5:6

Amuyandoole Mwaami Lesa, lyalo mulaakuba abuumi. Nobene Isilaeli na mubule kucita boobo, ulaakumulobya anga ngumulilo utenta masakasaka kukubilima. Ndabala ya Betelo ilaakupya cakumaninina alimwi taaku aweshi akeeshimyeeko.

Amosi 6:12

Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.

Amosi 7:3

Kuswawaawo Mwaami Lesa wakabooshamo moyo akwaamba ayi, “Isho nshewabona teshi shikacitike.”

Jona 1:6

Mpomunyaawo munene wa beshikweensha bwaato wakamucana umo akumwaambila ayi, “Ulilete webo? Buka usenge lucafwo kuli lesa wako! Mpashi inga watunyumfwila nkumbu ayi tutafwi.”

Jona 3:9

Mpashi Lesa inga wapilula miyeeyo abukali bwakwe kwaamba ayi tukabule kufwa!”

Mika 2:12

“Nobamulunyungu lwakwe Jakobo ncakwiila ndaakumuyobolola noonse. Ndaakuyobolola bene Isilaeli bakacaala boonse. Ndaakubabunganya anga nimbelele mucimpati, ee, anga nditanga kumafulo a ndilyo. Musena uyo ulaakwisula bantu.”

Mika 3:2

sombi mulipatite shibotu akusuna bubi. Mulafunda bantu bangu kabacili boomi akukusha minyemfu kushifuwa shabo.

Mika 5:3

Mwaami Lesa ulaakusuula bene Isilaeli, kushikila muleli uyo akashalwe alimwi kushikila bamakwabo abo bali mubusha bakaboole pakati ka bene Isilaelinyinaabo.

Sefaniya 2:3

Amuyandoole Mwaami Lesa noonse mwebo nobantu babombu ba mucishi, mwebo nomukonkela milawo yakwe. Amuyandoole bululami alimwi mulibombye. Mpashi mulaakutabililwa pabushiku Mwaami Lesa ndyeshi akatondeshe bukali bwakwe.

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Bene Loma 7:22

Ndakondwa amoyo wangu woonse ceebo ca Milawo iswa kuli Lesa.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

3 Joni 1:11

Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.