Amosi 2:2 - Baibo Busansulushi Bwa Libuku Ili

² Ndaakutuma mulilo pacishi ca Moabu, uyo weshi ukatente malinga a ndabala ya Kelyoti. Bene Moabu balaakufwita pakati ka ciyobeyobe ca nkondo, bashilumamba kabalisha mapeenga.

Amosi 2:2 Marejeleo ya Msalaba

Isaya 9:5

Nkwabilo sha bashilumamba isho nshebakalinga kusebensesha munkondo pantu pomwi ashakufwala shabo shoonse shinankeene bulowa shilaakutentwa mumulilo.

Jelemiya 48:24

Kelyoti, Bosila, akumandabala oonse a kuMoabu, ee, kumandabala ali kulaamfu aali pafwaafwi.

Jelemiya 48:34

“Mibila yabo itoonyumfwika kuswa kuEshiboni kuya mukushika kuEleyale akuJaasi, kuswa kuSowa kuya mukweela akuOlonaimu aEgilati Shelishiya ceebo maanshi amuKalonga ka Nimulimu oonse ayuma.

Jelemiya 48:41

Mandabala anene amandabala acite malinga alaakukomwa. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.

Jelemiya 48:45

“Bantu abo beshi bakacice nkondo kucishi cine mishaabo, balaakweenkemanabo kuEshiboni ceebo mulilo ulaakunyaka mundabala iyo. Ulaakunyakila mukati mwiine muSiyoni akunyaka muya nyinsa alimwi apatulundu twa bene Moabu beshikulisumpula abo basuni kulwana.

Esekelo 25:8

Mwaami Lesa Shinkusu shoonse waamba ayi, “Mukwiinga bene Moabu bakaamba ayi, ‘Amubone, mushobo wa bene Juda waba anga njimishobo imwi yoonse,’

Amosi 1:14

Ndaakutuma mulilo kumalinga a kuLaba, uyo weshi ukanyonyoole malinga. Kulaakuba ciyobeyobe ca nkondo pabushiku ubo. Nkondo ilaakukalalabo anga nimfula ya muuwo pabushiku ubo.

Amosi 1:4

Ndaakutuma mulilo paŋanda ya bwaami yakwe Asayelo akutenta shiyubilo shakwe Benadadi.