Agayi 2:5 - Baibo Busansulushi Bwa Libuku Ili

⁵ Mutaloondi mukwiinga Mushimu wangu uli andimwe bweenka mbondakamushomesha ndindakamukusha mucishi ca Ijipiti. Nebo neMwaami Lesa Shinkusu shoonse ndaamba.’

Agayi 2:5 Marejeleo ya Msalaba

2 Makani 20:17

Teshi ndimwe mweshi mukalwane nkondo iyi, sobwe. Mwebo mukeemikanebo mumisena ya nkondo akulindila. Lyalo mulaakubona Mwaami Lesa mbweshi akamukomeneeko nkondo iyo. Nobene Juda anobene Jelusalemu, mutatonshi nabi kuloonda. Kamuyabo mukalwaane, Mwaami Lesa ulaakuba amwebo!’ ”

Neyemiya 9:20

Mwakabapa Mushimu wanu ubotu ayi unoobeeisha shakucita. Mwakabapa mana ayi balye akubapa maanshi ayi banwe.

Neyemiya 9:30

Kwamyaaka iinji mwakalinga kukomenyabo caamba pali mbabo. Mwakalinga kubacenjesha aMushimu wanu kwiinda mubalaluki banu. Sombi balo tebakalinga kumunyumfwila, sobwe. Aboobo mwakabaaba mumaansa a balwani babo.

Kulonga 19:4

“Mwakabona nshendakacita nebo neMwaami Lesa kubene Ijipiti, alimwi ambuli mbondakamunyamuna bweenka mbuli mumbankwashi mbwaanyamuna bana bakwe pamapapaminwa akwe akumuleta kokuno kuli ndime.

Kulonga 19:6

Mulaakuba bantu balibengetebo muli ndime neenka, alimwi mulaakusebenselabo ndime milimo ya bupailishi.”

Kulonga 24:3

Lyalo Mose wakaya mukulwiita bantu boonse milawo amilasho yoonse ya Mwaami Lesa. Bantu boonse bakakumbula pantu pomwi ayi, “Tulaakucita shoonse shaamba Mwaami Lesa.”

Kulonga 24:8

Lyalo Mose wakabwesa bulowa ubo bwakalinga mumbale shifongomene akubusanseela pabantu. Wakaamba ayi, “Ubu mbobulowa buyuminisha cipangano ico Mwaami Lesa ncaakapanga ndyaakamupa milawo iyi yoonse.”

Kulonga 34:10

Mwaami Lesa wakaambila Mose ayi, “Ono bulya ntoopangana abene Isilaeli. Ndaakucita shintu shinene pameenso abo, isho shitana kucitikwaawo pakati ka mishobo imwi mucishi coonse ca panshi. Bantu boonse balaakubona shintu shikankamika isho nebo neMwaami Lesa nsheenga ndamucitila.

Kulonga 34:8

Mpeeke Mose wakeendililabo kufukama cakushisha ciwa panshi akulambila.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 41:13

Ceebo nebo ndime Mwaami Lesa, Lesa wanu. Ndime wooyo umucatilila pamaansa anu alulyo akumwaambila ayi, ‘Mutaloondi, ndaakumucafwa.’ ”

Sekaliya 4:6

Kuswawaawo wakaŋambila ayi, “Aya ngomaswi a Mwaami Lesa kuli Selubabelo. Waamba ayi, ‘Teshi ukakome ceebo ca nkusu sha bashilumamba nabi nkusu shako omwiine, sombi ulaakukoma ceebo ca Mushimu wangu. Nebo neMwaami Lesa Shinkusu shoonse ndaamba.

Sekaliya 8:13

Nobene Juda abene Isilaeli, kalekale baswamashi bakalinga kushingana womwi awomwi mukwaamba ayi, ‘Aamulokele mapensho eenka akacitikila bene Juda abene Isilaeli!’ Sombi nebo ndaakumupulusha. Lyalo baswamashi abo balaakwaambilana womwi awomwi ayi, ‘Tambula shoolwe isho shakapekwa bene Juda abene Isilaeli!’ Aboobo amuyumye myoyo, mutaloondi.”

Sekaliya 8:15

mbweeke ubo ndishinishite kupa shoolwe bene Jelusalemu abene Juda bulya. Aboobo mutaloondi.

Mateyo 28:5

Mpomunyaawo munjelo wakaambila banakashi balya ayi, “Mutaloondi! Ndishi kwaamba ayi mutoolangoola Jesu uyo ngobakapopa pamucilingano.

Milimo ya Batumwi 27:24

Lyalo waamba ayi, ‘Utaloondi Paulo! Ulyeelete kuya mukwiimikana kunembo lyakwe Sisa muleli munene wa kuLoma. Lesa lakwe, munkumbu shakwe, walengesha ayi utafwi abaabo boonse mbooli abo mulweendo ulu.’

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Joshuwa 8:1

Mpeeke Mwaami Lesa wakaambila Joshuwa ayi, “Utaloondi nabi kutyongola. Bwesa bashilumamba boonse akuya mukulwana ndabala inene ya Ai. Mukwiinga mwaami wa muAi abantu bakwe ndababika mumaansaanu pantu pomwi andabala yakwe inene alimwi acishi cakwe coonse.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

1 Samwelo 12:20

Lyalo Samwelo wakabaambila ayi, “Mutaloondi, nakubi kwaamba ayi mwakacita cibiibi ca mushobo uyo, mutafutatili Mwaami Lesa, sombi kamumusebenselabo camoyo woonse.