Agayi 2:19 - Baibo Busansulushi Bwa Libuku Ili

¹⁹ Nakubi kwaamba ayi taaku shili anga ngamaila shacaalaako alimwi minyansa, nkuyu, mapomegilaneti amaolifi isho shitana kucata, kuswa kubushiku bwa sunu, nebo ndanoomupa coolwe.”

Agayi 2:19 Marejeleo ya Msalaba

Matalikilo 26:12

Isaki wakalima mucishi ico alimwi mwaaka uyo wakatebula shili mwaanda kwiinda pasheesho nshaakashanga, mukwiinga Mwaami Lesa wakamupa coolwe.

Jobo 39:12

Sa inga wacinka manungo muli njiyo ayi itookututila shili anga ngamaila shako akushibunganya kulubansa lwako lwakulupwitaawo?

Kulumbaisha 133:3

Buli anga ngumume wa kuKalundu ka Emoni, utoolokela paKalundu ka Siyoni. Uko nkokukalundu Mwaami Lesa nkwakashomesha kupa coolwe, ncakwiila abuumi bwamuyayaya.

Kulumbaisha 84:12

NoBaami baLesa Beshinkusu shoonse, balicite coolwe abo bacinkite manungo muli ndimwe.

Jelemiya 31:12

Balaakwisa akoolobesha cakusangalala peculu lya tulundu twa Siyoni. Balaakukondwa ceebo ca coolwe ncaakabapa Mwaami Lesa, nkokwaamba ayi shili anga ngamaila, waini, mafuta a olifi, bana ba mbelele alimwi aba ŋombe. Balaakubabo anga ngumuunda utililwa kabotu alimwi teshi bakabewo tubili mubuumba.

Jelemiya 31:14

Bapailishi ndaakubapa shakulya shiinji shibotu akupa bantu bangu shoonse shiyandika mubuumi bwabo. Nebo neMwaami Lesa ndaamba.”

Jowelo 1:12

Ncakwiila shisamu sha minyansa asha nkuyu shamana kuyuma, kubikaawo ashisamu sha mapomegilaneti, tupukupuku ashisamu sha maapo, nkokwaamba ayi shisamu shoonse sha myuunda shamana kufwa. Ee, kusangalala kwa bantu kwalobelela.

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Agayi 1:11

Ndaleeta cilanga pacishi canu, mutulundu, mumyuunda ya shili anga ngamaila, mumyuunda ya minyansa, mumyuunda ya shisamu sha maolifi, pasheesho shoonse shimena mubulongo, pabantu abanyama boonse alimwi apashintu shoonse nshemulima.”

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Dutolonomi 15:10

Mulyeelete kumupa amyoyo yoonse cakutatongooka. Mpeeke Mwaami Lesa ulaakumupa coolwe mumilimo yanu yoonse.

Dutolonomi 28:22

Mwaami Lesa ulaakumuletela malwashi ayambukila, shuute acimpwita. Ulaakutuma cilanga alimwi amuuwo ulungula ayi shinyonyoole shishango shanu. Anu myaalu iyi teshi ikamulekeewo kushikila mukamane kufwa.