Agayi 1:8 - Baibo Busansulushi Bwa Libuku Ili

⁸ Ono bulya kamuyabo mutulundu mukutimbula mapulanga akwisa mukutalika kuyakulula Ŋanda yangu. Lyalo ndaakukondwa muli njiyo akulemekwa bweenka mboonjelete. Nebo neMwaami Lesa ndaamba.

Agayi 1:8 Marejeleo ya Msalaba

1 Baami 6:1

Ndipakeenda myaaka ili 480, bene Isilaeli ndibakaswa kuIjipiti, mumwaaka wane Solomoni kaalela cishi ca Isilaeli mumweenshi wabili wiitwa ayi Sifu, Solomoni wakatalika kuyaka Ŋanda yakwe Lesa.

1 Baami 9:3

Mwaami Lesa wakaamba ayi, “Ndanyuumfwa mupailo wako akusenga kwako. Ndasalasha ŋanda iyi njewanjakila ayi ibe musena umo mweshi noolambililwa lyoonse. Ndanooilama akwiitabilila lyoonsebo.

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

2 Makani 7:16

Ndeesala akwiisalasha ayi ube musena uyo ngweshi mukanoonambililaamo lyoonse alyoonse. Ndaakunooilama akwiitabilila ciindi coonse.

Esila 3:7

Bantu bakapa maali akufolesha beshikubesa mabwe abeshikubesa mapulanga. Bakapa ashakulya, shakunwa alimwi amafuta a Olifi kubantu ba kuSidoni alimwi aTaya kwaamba ayi balete shisamu sha Sida kucishi ca Lebanoni kwiinda mulweenge kuya kuJopa, ici cakasuminishikwa aSailasi mwaami wa bene Pesha.

Esila 6:4

Lubumbu lulyeelete kuyakwa amundando womwi wa mapulanga pamindando ili yoonse yotatwe ya mabwe anene yayakwa. Maali oonse ayandika alaakupatalwa kuswa kunkomwe yakubwalo.

Kulonga 29:43

Uko nkomunya, ndaakunookumana abene Isilaeli alimwi bulemu bwangu bulaakusalasha musena uyo.

Isaya 60:13

“Bulemu bwa musaansa wa kuLebanoni ee, shisamu shoololokete sha mapaini ashimwi shoonse shilaakuletwa kwaamba ayi baboteshe musena usalalite. Lyalo ndaakulengesha Ŋanda yangu kuba abulemu.

Isaya 60:7

Mbelele shoonse sha Keda alimwi aNebaiyoti shilaakuletwa kuli ndiwe ayi njimilambu pacipaililo cangu. Lyalo ndaakubotesha Ŋanda yangu ya bulemu.

Isaya 66:11

Mulaakusangalala mububoni bwa njiyo anga ngumwaana kulukolo lwa banyina!”

Agayi 1:7

“Sa inga tamuboni shintu ishi mboshitoocitika kuli ndimwe?

Agayi 2:7

Ndaakutenkaanya mishobo yoonse abuboni bwa njiyo bulaakuletwa kuno. Lyalo ndaakususha Ŋanda yangu abulemu.

Agayi 2:9

Bulemu bwa Ŋanda yangu iyi bulaakwiinda bulemu bwa Ŋanda itaanshi. Lyalo mumusena uyu ndaakupa bantu bangu luumuno. Nebo neMwaami Lesa Shinkusu shoonse ndaamba.’ ”