Agayi 1:12 - Baibo Busansulushi Bwa Libuku Ili

¹² Kuswawaawo Selubabelo mwanaakwe Sheyalutyelo, Joshuwa mwanaakwe Jeosadaki mupailishi munene abantu bamwi bakacaalaawo, boonse bakasumina kukonkela mulawo wa Mwaami Lesa, Lesa wabo. Bantu abo bakalinga kuloonda akunyumfwila maswi angu neAgayi mukwiinga Mwaami Lesa, Lesa wabo ngowakantuma.

Agayi 1:12 Marejeleo ya Msalaba

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

Esila 10:18

Mulunyungu lwa bapailishi, bakalinga kweebete banakashi baswamashi mbaaba: Kuswa mubamulunyungu lwakwe Jeshuwa mwanaakwe Josadaki abamakwabo nguMaseiya, Eliyesa, Jalibu alimwi aGedaliya.

Esila 5:2

Mpeeke Selubabelo mwanaakwe Sheyalutyelo aJeshuwa mwanaakwe Josadaki bakatalika kuyaka alimwi Ŋanda yakwe Lesa muJelusalemu. Abalo balaluki bobilo abo bakabacafwaako.

Kulumbaisha 112:1

Amulumbaishe Mwaami Lesa! Ulicite coolwe muntu uloonda Mwaami Lesa, muntu usangalala mukulama milawo yakwe.

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Isaya 1:19

Na kamulibambite kunyumfwila, mulaakulya shintu shibotu sha mucishi cino.

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Agayi 1:1

Mumwaaka wabili wa bwaami bwakwe Dalyasi mwaami wa bene Pesha, bushiku butaanshi mumweenshi wasanu awomwi, Mwaami Lesa wakaamba kwiinda muli ndime neAgayi kuli Selubabelo mwanaakwe Sheyalutyelo uyo wakalinga mweendeleshi wa cishi ca Juda alimwi akuli Joshuwa mwanaakwe Jeosadaki, mupailishi munene.

Agayi 1:14

Ono Mwaami Lesa wakasonkomona muuya wakwe Selubabelo mwanaakwe Sheyalutyelo, mweendeleshi wa cishi ca Juda, muuya wakwe Joshuwa mwanaakwe Jeosadaki, mupailishi munene, amuuya wa bantu abo bakalinga bacaalaawo. Aboobo bakatalika kuyakulula Ŋanda ya Mwaami Lesa Shinkusu shoonse, Lesa wabo.

Agayi 2:2

“Aambila Selubabelo mwanaakwe Sheyalutyelo, mweendeleshi wa cishi ca Juda, Joshuwa mwanaakwe Jeosadaki, mupailishi munene, alimwi abantu abo bakalinga bacaalaawo. Ubeepushe ayi,

Milimo ya Batumwi 9:31

Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.

Dutolonomi 31:12

Mukabunganye bantu boonse, nkokwaamba ayi basankwa, banakashi, baana alimwi abaswamashi mbomwikalaabo mumandabalaanu, ayi banyumfwe akwiiya kulemeka Mwaami Lesa, Lesa wanu alimwi akukonkela kabotu maswi oonse ali mumilawo iyi.

Dutolonomi 31:13

Munshila iyi, bamulunyungu lwanu abo batana kunyumfwaawo Milawo iyi ya Mwaami Lesa, Lesa wanu, inga beenyumfwa. Aboobo, balaakwiiya kumunyumfwila mumyaaka yoonse njeshi mukekale mucishi ico ncemutooya mukubwesa akwikalaamo kwitala lya Joodani.”

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Ebulu 12:28

Alimwi ceebo tulatambula bweene ubo butatenkaanishikwi, tulyeelete kulumba Lesa, kumulambila munshila imukondelesha alimwi akumulemeka abuumbi.