Agayi 1:11 - Baibo Busansulushi Bwa Libuku Ili

¹¹ Ndaleeta cilanga pacishi canu, mutulundu, mumyuunda ya shili anga ngamaila, mumyuunda ya minyansa, mumyuunda ya shisamu sha maolifi, pasheesho shoonse shimena mubulongo, pabantu abanyama boonse alimwi apashintu shoonse nshemulima.”

Agayi 1:11 Marejeleo ya Msalaba

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

2 Baami 8:1

Ono Elisha wakaambila mwanakashi wakalinga kwikala muShunemu, uyo mwine mwaana ngwaakabusha kuswa kubafu ayi, “Mwaami Lesa utootuma nsala mucishi iyo yeshi ikatole myaaka yosanwe ayobilo. Webo abamuŋanda yako mulyeelete kuswaamo akuya kumwi.”

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Jelemiya 14:2

“Cishi ca Juda citoolila mandabala a mumo afwa. Bantu bekalaamo boona panshi kunsoni ayalo ndabala ya Jelusalemu itoolila lucafwo.

Malilo 1:21

“Bantu balinyumfwite kutongela kwangu, sombi taaku nabi womwi wakuŋumbulusha. Balwani bangu boonse balinyumfwite shamapensho angu alimwi batoosangalala pashintu isho nshemwancita. Ndamusenga kwaamba ayi mulete bushiku ubo mbomwakashomesha kwaamba ayi abalo bakapenge bweenka mbondapenga.

Amosi 5:8

Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Amosi 7:4

Mbulya Mwaami Lesa Shinkusu shoonse mbwaakambonesha mucili anga nciloto. Muciloto ico ndakamubona kaayeeya kupensha bantu bakwe amulilo. Mulilo uyo wakayumya lweenge lunene panshi lya nshi alimwi akutalika kutenta cishi coonse.

Amosi 9:6

Mwaami Lesa wakayaka ŋanda yakwe ya bwaami kwiculu akubika lwiimbi lwa njiyo pacishi ca panshi. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Agayi 2:17

Ndakanyonyoola milimo yanu ndindakayumya shishango shanu mukutuma muuwo uyoosha amfuula ya mabwe, sombi mwebo tamukwe kusanduka kuswa kushibiibi shanu.

Agayi 2:19

Nakubi kwaamba ayi taaku shili anga ngamaila shacaalaako alimwi minyansa, nkuyu, mapomegilaneti amaolifi isho shitana kucata, kuswa kubushiku bwa sunu, nebo ndanoomupa coolwe.”

Malaki 3:11

Teshi nkasuminishe shilongolo kulya shishango shanu alimwi minyansa teshi ikapukumuke kushisamu sha njiyo.

Malaki 3:9

Mushobo wanu woonse ulishinganishitwe ceebo mulampamba.

Dutolonomi 28:22

Mwaami Lesa ulaakumuletela malwashi ayambukila, shuute acimpwita. Ulaakutuma cilanga alimwi amuuwo ulungula ayi shinyonyoole shishango shanu. Anu myaalu iyi teshi ikamulekeewo kushikila mukamane kufwa.