Abakuku 3:13 - Baibo Busansulushi Bwa Libuku Ili

¹³ Mwakesa mukufuna bantu banu, ee, akupulusha baabo mbomwakasala. Mwakapwayoola mutanjilili wa bamucita shibi akunyonyoola bantu bakwe boonse.

Abakuku 3:13 Marejeleo ya Msalaba

2 Samwelo 5:20

Mpomunyaawo Defedi wakaya kuBaali Pelasimu uko nkwaakaya mukubakomena. Mpeeke wakaamba ayi, “Mwaami Lesa wasefukila balwani bangu bweenka maanshi mbwaasefuka mumulonga.” Ono mboboobo musena uyo mbwaakautumba ayi Baali Pelasimu.

Kulumbaisha 105:15

Wakalinga kubaambila ayi, “Mutaciisi bantu bangu mbondakasala, Muteeleshi kucata balaluki bangu.”

Kulumbaisha 105:26

Wakatuma Mose musebenshi wakwe, alimwi aAloni uyo ngwaakasala.

Kulumbaisha 110:6

Ulaakoombolosha mishobo yoonse. Ulaakususha mituntu ya bantu mumusena wakulwanina akupwayoola bamaami ba mucishi ca panshi coonse.

Kulumbaisha 137:7

NoBaami baLesa, amwiibaluke shakacita bene Edomu bushiku bulya bwakanyonyoolwa Jelusalemu. Amwiibaluke mbobakalinga kwaamba ayi, “Amwiimwaaye, amwiimwaaye tibili akulwiimbi!”

Kulumbaisha 20:6

Ee, ono ndeshiiba kwaamba ayi Mwaami Lesa ulalengesha mwaami ngwaakasala kukoma. Ncakwiila ulakumbula kusenga kwa mwaami wesu kuswa kwiculu lyakwe lisalalite. Ulakumbula ankusu shakwe shiindaawo shakupulusha.

Kulumbaisha 28:8

Mwaami Lesa ngoopa nkusu bantu bakwe, ngoofuna akupulusha mwaami uyo ngwaakasala.

Kulumbaisha 68:7

NobaLesa ndimwakatanjilila bantu banu ndimwakeenda muluyanga,

Kulumbaisha 77:20

Mwakatanjilila bantu banu anga nditanga lya mbelele, Mwakabatanjilila kwiinda muli Mose aAloni.

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

Isaya 63:11

Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?

Isaya 64:1

Ncakwiila inga cabota abuumbi na mwapasula liculu akwisa panshi. Tulundu inga twatenkaana kuboowa kunembo lyanu.

Esekelo 13:14

Ndaakumwaya lubumbu ulo ndomwakashingula abulongo butuba. Ndaakulupalanganya cakwaamba ayi alwiimbi lulaakucaalabo patuba. Na lukawe, amwebo mulaakunyonyoolwa andulo. Lyalo ndyeshi mukeshibe ayi nebo ndi Mwaami Lesa.’

Amosi 9:1

Ndakabona Mwaami Lesa kaaimfwi pacipaililo. Wakaamba ayi, “Amuume macinko a Ŋanda yakwe Lesa kwaamba ayi cipinda cakumwinjililo coonse citenkaane. Mwaawishile pamitwi ya bantu. Taaku nabi womwi eshi akaloboke, ee, taaku nabi womwi eshi akapuluke.

Joshuwa 10:11

Ono bene Amoli abo ndibakalinga kuya ciloonda bene Isilaeli pakukunkuluka Kalundu ka Beti Oloni kuya kuAseka, Mwaami Lesa wakaloshesha mfula ya mabwe anene pali mbabo. Anu baanji bakafwa kumabwe aya kwiinda mbobakafwa kumipeeni ya bene Isilaeli.

Joshuwa 10:24

Ndibakabatola kuli Joshuwa, wakeeta bene Isilaeli boonse akwaambila bamatanjilili ba bashilumamba abo mbwaakayaabo ayi, “Kamwisa kuno mulyate bamaami aba panshingo shabo.” Mpeeke bakesa babalyata.

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Joshuwa 11:12

Anu Joshuwa wakabwesa mandabala anene oonse ayo akwaanyonyoola. Wakacaya bamaami ba ngawo amipeeni kweelana abwakaamba Mose musebenshi wa Mwaami Lesa.

Joshuwa 11:8

Ncakwiila Mwaami Lesa wakalengesha ayi bene Isilaeli bakome. Mpeeke bakabatandaanya kuya kuSidoni, kuMisilefoti Maimu, kuya mukweela akwicwe lya Cinyika ca Misipa. Taaku nabi womwi wakapuluka.