Abakuku 1:15 - Baibo Busansulushi Bwa Libuku Ili

¹⁵ Bene Babiloni balaloba bantu andoobo anga ninswi. Balabacata mutoombe twabo. Lyalo balabakwelaanya akutalika kusangalala alimwi akukondwa.

Abakuku 1:15 Marejeleo ya Msalaba

Kulumbaisha 10:9

Balabelaminabo anga ninkalamu iyubite, kubelamina ayi bacate bantu bataaku mbobabete. Ncakwiila balabacatisha mutoose twabo akubatola kabaya cibakwelaanya.

Isaya 19:8

Beshikucaya nswi balaakutongela akulila. Ee, baloba nabi bawaala toombe muNailo. Ndoobo shabo atoombe twabo shilaakumana ncito.

Jelemiya 16:16

Mwaami Lesa waamba ayi, “Sombi bulya ntootuma beshikucaya nswi baanji kuya mukubacata. Kuswawaawo ndaakutuma bapalu baanji abo beshi bakese mukubafwima mumalundu oonse, mutulundu toonse alimwi amushimfwengo shili mumyaandami.

Jelemiya 5:26

“Pakati ka bantu bangu mpobali bamucita shibi abo bayubilila babyaabo mbuli bantu beshikuteya tuyuni. Sombi balo toose twabo ntwakucatishamo bantu.

Jelemiya 50:11

Mwaami Lesa waamba ayi, “Nobene Babiloni mulikondetwe akusangalala, mwebo nomwakasaala mushobo wangu. Mwakatambala anga niŋombe itoolyatoola shili anga ngamaila akulila bweenka bulila maaki.

Esekelo 25:6

“Nebo neMwaami Lesa Shinkusu shoonse ndaamba ayi, ‘Mwebo mwakakambilila, mwakasotooka alimwi akusangalala abuumbi pamapensho a cishi ca Isilaeli.

Esekelo 26:2

“Webo omuntu, bene Taya bakaseka ndabala ya Jelusalemu mukwaamba ayi, ‘Amubone! Ndabala ya Jelusalemu yamwayoolwa! Nkusu shakucita makwebo shamana! Teshi tukapikishanye akwe tubili.’

Esekelo 35:15

Cilaakusangalala bweenka webo mbowakasangalala cishi ca Isilaeli, ee, cishi cangu, ndicakanyonyoolwa. Ulaakuba luyanga, oKalundu ka Siya, ee, webo a cishi ca Edomu coonse. Lyalo bantu boonse ndyeshi bakeshibe ayi nebo ndi Mwaami Lesa.”

Amosi 4:2

Mwaami Lesa Shinkusu shoonse, utoolumbila mukusalala kwakwe ayi, “Ncakwiila ciindi cilaakushikila ndyeshi mukatolwe busha kamukobetwe ndobo. Ee, womwi awomwi ulaakunooya cikwelaanishikwa kundobo tibili akuwakweelaako.

Abakuku 1:14

Ceebonshi mwasandula bantu kuba anga ninswi sha mulweenge nabi anga ntulongolo tutacite muleli?

Abakuku 2:5

Waini ulacenjeeka! Balyabi balalisumpula alimwi tabakalikani. Tabakuti bweenka musena wa bafu mbootakuti. Nceceeco ncebakomena mishobo yoonse akutola busha bantu ba njiyo boonse.

Mateyo 13:19

Na bantu banyumfwa maswi a Bweene bwakwe Lesa cakubula kwaanyumfwisha, alakwe Satana ulesa wakushamo sheesho shashangwa mumyoyo yabo. Bantu bali boobo nshembuto shakalokela munshila.

Mateyo 17:27

Ono kwaamba ayi tutabakalashi basonkeshi aba, koya kulweenge ukalobe. Inswi njeshi utaangune kuloba, wiicenamune mukanwa. Utoocanamo maali akwana musonko wangu awaako, utole uye ukasonke.”

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.