Abakuku 1:10 - Baibo Busansulushi Bwa Libuku Ili

¹⁰ Balanyansha bamaami akuseka bacinenenene babo. Taaku ndabala icite lilinga ndyeenga baalilwa kwiinda. Balayakabo shitunta shakutantaawo pakulwana sha bulongo akukoma ndabala iyo icite lilinga.

Abakuku 1:10 Marejeleo ya Msalaba

2 Baami 24:12

Lyalo mwaami Jeoiyakini mwaami wa bene Juda wakalyaaba mumaansaakwe Nebukadinesa pantu pomwi abanyina, bana bakwe basankwa, bamatanjilili ba bashilumamba alimwi abacinenenene ba kuŋanda ya bwaami boonse. Mumwaaka wasanu ayotatwe wa bwaami bwakwe Nebukadinesa mwaami wa bene Babiloni, Jeoiyakini mwaami wa bene Juda wakatolwa busha kuli nguwe.

2 Makani 36:10

Mpeeke kumatalikilo amwaaka umwi mwaami Nebukadinesa wakatola busha Jeoiyakini kuBabiloni. Wakabwesa ashintu shamakwebo kuswa muŊanda yakwe Lesa akushitola kuBabiloni ashalo. Nebukadinesa wakabwesa Sedekiya shimishaabo Jeoiyakini akumubika pabwaami bwa bene Juda abene Jelusalemu.

2 Makani 36:6

Kuswawaawo Nebukadinesa mwaami wa bene Babiloni wakesa mukulwana cishi ca Juda, wacata busha Jeoiyakimu akumutola kuBabiloni kaangitwe ancetani sha bulonse.

Isaya 10:9

Ndakakoma ndabala ya Kalino aya Kakemishi. Ndakakoma ndabala ya Amati aya Alipadi alimwi ndakakoma ndabala ya Samaliya aya Damasikasi.

Isaya 14:16

“Bafu baakukubona balaakukulangilisha akucatabo pamilomo. Balaakwiipusha ayi, ‘Sa uyu teshi ngomusankwa ulya wakatenkaanya cishi ca panshi akulengesha bamaami kututuma?

Isaya 37:13

Mwaami wa ndabala ya Amati, Apadi, Sefafaimu, Ena alimwi aya Ifa bali kuli?”

Jelemiya 30:5

“Kulila kwa boowa kutoonyumfwika. Ncakwiila nkulila kwa kuloondesha kuteshi kwa luumuno, sobwe.

Jelemiya 32:24

“Bene Babiloni bapanga shitunta shakutantilaawo pakulwana kushingulusha ndabala inene ayi beekoome. Ono kwiinda munkondo, nsala amwaalu, ndabala inene iyi ilaakwaabwa mumaansaabo. Nkokwaamba ayi makani oonse ngomwakaamba nobaLesa ngalushinisho.

Jelemiya 33:4

Ono pamaanda a muJelusalemu alimwi amaanda a bwaami a muJuda ayo akapwaikwa ayi bayake lubumbu lwakushinkila bene Babiloni abo bakapanga citunta cakutantaawo pakulwana, nebo neMwaami Lesa, Lesa wa bene Isilaeli ndaamba ayi,

Esekelo 21:31

Ndaakumupoomweta bukali bwangu buyoosha akumukalalila cabukali. Ndaakumwaaba kubantu beshilunkutwe abo beshi kabotu bwakunyonyoola.

Esekelo 26:8

Ulaakucaya bantu bekala mumishi yako ili kuloombe lwa lweenge kumipeeni. Balaakukaba shilindi akuyaka shitunta shakutantaawo pakulwana. Pakukulwana, balaakunyamuna mayawo abo akulishitilisha kuli ndiwe cakubabo anga ndubumbu.

Sefaniya 1:8

Mwaami Lesa waamba ayi, “Pabushiku bwakubenga mulambu wangu Nebo neMwaami Lesa ndaakupa mulandu boonse bacinenenene, banaabaami abaabo boonse bafwete shakufwala sha baswamashi.