3 Joni 1:5 - Baibo Busansulushi Bwa Libuku Ili

⁵ Oosunikwi, ulashomeka abuumbi mumulimo uli woonse ngoocita kubashominyoko, nakubi kwaamba ayi toona kubabonawo kale.

3 Joni 1:5 Marejeleo ya Msalaba

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Mateyo 25:16

Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali.

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

Milimo ya Batumwi 1:15

Ndipakeenda nshiku shiniini, kwakaba libungano lya baabo boonse bakalinga kushoma muli Jesu abo bakalinga kushika mpashi mwaanda amakumi obilo. Lyalo Pita wakanyamuka,

Bene Loma 12:13

Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Bene Ebulu 13:2

Mutaluubi kutambula kabotu beensu mumaandaanu. Nkobali bamwi bakatambula beensu, sombi kabateshi ayi mbaanjelo bakwe Lesa.

3 Joni 1:10

Aboobo, na nkese, ndaakuyubulula shoonse nshaacita. Ulaya cibisha liina lyangu akumbekesha shikani. Teshi sheesho sheenka, sombi ulakaka akutambula bashomi alimwi ulakasha baabo basuni kubatambula akubatanda mucoonde.

3 Joni 1:3

Mukwiinga ndakasangalala abuumbi bamwi bashominyineesu ndibakesa mukundwiita kushomeka kwako mukukonkela lushinisho, kweelana ambuli mbookala lyoonse.