3 Joni 1:4 - Baibo Busansulushi Bwa Libuku Ili

⁴ Taaku cimwi cinsangalasha abuumbi kwiinda kunyumfwa ayi bana bangu muMushimu batookonkela shalushinisho.

3 Joni 1:4 Marejeleo ya Msalaba

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

1 Baami 3:6

Solomoni wakakumbula ayi, “Lyoonse mwakalinga kutondesha lusuno kuli bata baDefedi basebenshi banu mukwiinga bakalinga babotu, bashomeka alimwi baluleme mubushicibusa bwabo amwebo. Mwatolelela kubatondesha lusuno lwanu lunene alimwi lutamaani kwiinda mukubapa mwaana uyo utoopyana bwaami bwabo sunu.

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Tushimpi 23:24

Baishi muntu ululeme balasangalala abuumbi pali nguwe. Uyo ucite mwaana musongo ulakondwa ceebo ca nguwe.

Isaya 38:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

2 Bene Kolinto 6:13

Ono ntoomwaambila anga mbana bangu ayi, “Amutondeshe lusuno lwanu amwebo.”

Bene Galatiya 2:14

Ono ndindakabona ayi tabatookala kweelana alushinisho lwa Makani Abotu, ndakaambila Pita pameenso abantu boonse ayi, “Webo uli muJuda, sombi walinga kwikala anga ngumuswamashi wakunsengwe. Ino inga wakakatisha buyani baswamashi bakunsengwe kwikala anga mbaJuda?”

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

1 Bene Tesalonika 2:11

Mulishi kwaamba ayi womwi awomwi pakati kanu, twakalinga kumucitabo anga ngumushali musankwa mbwaacitila bana bakwe mwiine.

1 Timoti 1:2

Ntoolembela kuli ndiwe Timoti omwanaangu mwiine mulushomo. Luse, nkumbu aluumuno shibe awebo kuswa kuli Lesa Ishiwesu aKlistu Jesu Mwaami wesu.

2 Timoti 1:2

Ntoolembela ndiwe Timoti omwanaangu usunikwi. Luse, nkumbu aluumuno shibe awebo kuswa kuli Lesa Ishiwesu aKlistu Jesu Mwaami wesu.

Filimoni 1:10

Ono ntookusenga ceebo cakwe Onesimasi, uyo wakaba mwanaangu muli Klistu kaandi muntolongo.

1 Joni 2:1

Nobana bangu, ndamulembela makani aya kwaamba ayi mutakabishi. Sombi na umwi wabisha, tulicite shikutucafwa utwaambililaako kuli Ishiwesu, uyo nguJesu Klistu ululeme.

2 Joni 1:4

Ndakasangalala abuumbi kucana kwaamba ayi bana bako bamwi batokweenda mulushinisho, bweenka mbwaakatulasha Ishiwesu.