3 Joni 1:10 - Baibo Busansulushi Bwa Libuku Ili

¹⁰ Aboobo, na nkese, ndaakuyubulula shoonse nshaacita. Ulaya cibisha liina lyangu akumbekesha shikani. Teshi sheesho sheenka, sombi ulakaka akutambula bashomi alimwi ulakasha baabo basuni kubatambula akubatanda mucoonde.

3 Joni 1:10 Marejeleo ya Msalaba

Tushimpi 10:10

Muntu ukamwita kumeenso, ngushikuleta shimfulunganya, sombi uyo ululikilabo limwi bantu, ulaleta lunyumfwano.

Tushimpi 10:8

Moyo wa musongo ulanyumfwila milawo, sombi uyo waamba shabuluya, ulaakunyonyoolwa.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Luka 6:22

“Mulicite coolwe nomutoopatwa kubantu, kusuulwa akutukanwa alimwi akwaambwa ayi muli babiibi ceebo ca MwanaaMuntu!

Joni 9:22

Bashali ba musankwa uyo bakaamba boobo mukwiinga bakalinga kuloonda bamaloba ba baJuda abo bakalinga bapangana kale ayi uyo woonse eshi akashome ayi Jesu ngoUsalitwe wakwe Lesa, nkumutanda mucoonde cabo.

Milimo ya Batumwi 1:15

Ndipakeenda nshiku shiniini, kwakaba libungano lya baabo boonse bakalinga kushoma muli Jesu abo bakalinga kushika mpashi mwaanda amakumi obilo. Lyalo Pita wakanyamuka,

2 Bene Kolinto 13:2

Ndakacenjesha bantu abo bakabisha abamwi boonse alimwi bulya ntoomucenjesha kaantabete amwebo, bweenka mbuli mbondakacita mulweendo lwabili kaandi amwebo, ayi ndaakwisa alimwi teshi nkanyumfwilewo nkumbu bantu abo.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

1 Timoti 5:13

Alimwi balaba batolo akutalika kunoobalabo milyango amilyango. Teshibo ceeco ceenka, sombi balaba bafuishi, bankulwe alimwi mbeshi kwaambabo shikani nshebateelete.

2 Joni 1:10

Paceebo ceeco, na umwi muntu wesa kuli ndimwe kaateeishi sheeshi, mutamutambuli akumutambula mumaandaanu. Muteeleshi nabi kumwaansha.

2 Joni 1:12

Ndicite shintu shiinji shakumulwiita, sombi nshisuni kushilemba munkalata. Ntooyeeya kwisa mukumufwakashisha, katulangana pakumulwiita kwaamba ayi tukasangalale cancinencine.

3 Joni 1:3

Mukwiinga ndakasangalala abuumbi bamwi bashominyineesu ndibakesa mukundwiita kushomeka kwako mukukonkela lushinisho, kweelana ambuli mbookala lyoonse.

3 Joni 1:5

Oosunikwi, ulashomeka abuumbi mumulimo uli woonse ngoocita kubashominyoko, nakubi kwaamba ayi toona kubabonawo kale.