2 Timoti 4:5 - Baibo Busansulushi Bwa Libuku Ili

⁵ Sombi webo lilame mushiindi sha mushobo uli woonse, koyuma mumakatasho, cita mulimo wakushimikila Makani Abotu akucita milimo yako yoonse kweelana amusebenshi wakwe Lesa.

2 Timoti 4:5 Marejeleo ya Msalaba

Isaya 62:6

Webo Jelusalemu, pamumbu shako ndabikaawo beshikulindilila. Teshi bakoomuneewo mashiku amalumwi. Mwebo nomwiibalusha Lesa pasheesho nshaakashomesha, amutolelele cakutookesha.

Jelemiya 6:17

“Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”

Esekelo 3:17

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Esekelo 33:2

“Webo omuntu, lwiita bene mishaanu ayi, ‘Na ndaleta nkondo mucishi, bantu ba mucishi ico balasala womwi pakati kabo kuba shikulindilila.

Esekelo 33:7

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Mateyo 25:16

Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali.

Maako 13:34

Cilibo anga ngumuntu uli palweendo lwakuswa paŋanda yakwe. Ulaashiya ncito shoonse mumaansa a basebenshi bakwe, womwi ancito yakwe, akulwiita shikulindilila pamulyango ayi alindilile.

Maako 13:37

Ishi nshentoomulwiita, ntokwaambila bantu boonse ayi, ‘Kamulibambitebo lyoonse!’ ”

Luka 12:37

Balicite coolwe basebenshi beshi bakacanike kabalangila alimwi kabalibambite mwaami wabo aakuboola. Ntoomwaambila calushinisho ayi mwaami wabo ulaakufwala shakufwala shakusebenselaamo, kwikalika basebenshi aba panshi akubapa shakulya.

Milimo ya Batumwi 21:8

Pabushiku bwakaboolaawo twakanyamuka akuya mukushika kuSisaliya. Twakekala kuŋanda yakwe Filipo shikushimikila Makani Abotu, womwi wa basankwa bosanwe abobilo abo bakasalwa kuba bacafwi muJelusalemu.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

Bene Efeso 4:12

Wakacita boobo kwaamba ayi bantu boonse bashoma muli Lesa bakanoolibambite kusebensa mukuyumya bashomi abo bali ngomubili wakwe Klistu.

Bene Kolose 1:25

Anu nebo ndi musebenshi wa coonde ici mukwiinga Lesa wakampa mulimo wakucita pakati kanu. Mulimo uyu ngwakushimikila maswi akwe oonse.

Bene Kolose 4:17

Amulwiite Akipasi ayi, “Sebensa kabotu akumanisha milimo yoonse yakakupa Mwaami Jesu.”

1 Bene Tesalonika 5:6

Ono aboobo tutabi bantu baliiba mbuli bucita bantu bamwi, sombi tulyeelete kucenjela akulitibuka.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

1 Timoti 4:15

Cita shintu ishi cakulibenga kwaamba ayi boonse babone ayi buumi bwako muli Klistu butooya cikula.

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

2 Timoti 2:3

Kopengela pantu pomwi anebo mukuba shilumamba mubotu wakwe Klistu Jesu.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

Ciyubululo 3:2

Anu buka, uyumye ceeco ncoocite kacitana kufwitilila. Mukwiinga ndaboona ayi milimo yako teena kululama cancinencine pameenso akwe Lesa wangu.