2 Timoti 4:17 - Baibo Busansulushi Bwa Libuku Ili

¹⁷ Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

2 Timoti 4:17 Marejeleo ya Msalaba

Kulumbaisha 109:31

Ceebo uleemikana kulyaansa lyalulyo lwa mukandu ayi amumfuune. Ee, ulamufuna kuli baabo bamupa mulandu wakucaikwa.

Kulumbaisha 22:21

Amumfuune mumeeno a nkalamu, mumpulushe kumeeca a nyati.

Tushimpi 20:2

Bukali bwa mwaami buli anga nkubuluma kwa nkalamu. Uyo woonse usonkomona bukali bwakwe ulalicaisha.

Tushimpi 28:15

Bweenka bubuluma nkalamu nabi bukalala suntwe munene, mbweeke ubo amuleli upensha bakandu mbwaabete.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Danyelo 6:22

Lesa wangu watuma munjelo uyo wacala milomo ya nkalamu. Tashikwe kuncisaawo napaceyuubo ceebo ndacanika ayi nshicite mulandu pameenso akwe alimwi nshikwe kucitawo cilubo nabi comwi kuli ndimwe, nobaami.”

Danyelo 6:27

Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Mateyo 10:19

Ono na bakamwaange, mutakalisukami ayi, ‘Ino tukaambe buyani?’ nabi ayi, ‘Tukaambenshi?’ mukwiinga Lesa ulaakumupa nceshi mukaambe.

Luka 1:1

Nomusunikwi baTeyofilasi, kweelana ambomwishi baanji beelesha camaansa obilo kwaamba ayi balembe shintu isho shakacitika pakati kesu.

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Milimo ya Batumwi 23:11

Pabushiku bweenka ubo mashiku, Mwaami Jesu wakeemikana pafwaafwi aPaulo akumulwiita ayi, “Yumya moyo! Wapa bukamboni bwa pali ndime muno muJelusalemu, anu amwalo muLoma ulyeelete kucita bweenka mbowacita muno.”

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 15:31

Amumpailile kwaamba ayi Lesa akamfuune kubantu batashomi ba kuJudeya. Mumpailile kwaamba ayi bashomi ba muJelusalemu bakatambule cakukondwa shipo ishi nsheentoobatolela.

2 Bene Kolinto 12:9

Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

1 Timoti 1:12

Ndamulumba Klistu Jesu Mwaami wesu uyo wakampa nkusu, mukwiinga wakayeeya ayi ndashomeka akunsala ayi musebensele.

2 Timoti 2:1

Ono omwanaangu liyumyeyumye muluse ndootucite muli Klistu Jesu.

2 Timoti 2:9

Ceebo cakushimikila Makani Abotu, ndapenga akwaangwa ncetani bulya anga ngushikusotoka milawo, sombi maswi akwe Lesa taangitwe muncetani napaceyi!

2 Timoti 3:11

makatasho amapensho angu. Webo ulishi shintu shoonse shakancitikila muAntyoki, Ikoniyamu aLisitila. Ndakapenga abuumbi, sombi Mwaami Lesa wakamfuna mushintu shoonse isho.

2 Timoti 4:5

Sombi webo lilame mushiindi sha mushobo uli woonse, koyuma mumakatasho, cita mulimo wakushimikila Makani Abotu akucita milimo yako yoonse kweelana amusebenshi wakwe Lesa.

Taitasi 1:3

Mpeeke paciindi ceelete wakayubulula kushomesha uko mumakani akwe. Makani ayo wakaabika mumaansaangu, aboobo ndaashimikila kweelana aLesa Mupulushi wesu mbwaakandwiita.

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

1 Samwelo 17:37

Mwaami Lesa uyo wakamfuna kunkalamu abasuntwe banene, utoomfuna akumwine Filisiti ulya.” Lyalo Saulo wakaambila Defedi ayi, “Ncibotu, koya alimwi Mwaami Lesa abe awebo.”