2 Timoti 4:1 - Baibo Busansulushi Bwa Libuku Ili

¹ Pameenso akwe Lesa aKlistu Jesu, uyo eshi akoomboloshe boomi abafu alimwi ceebo cakwaamba ayi ulaakwisa mubwaami, ntoosenga cankusu ayi

2 Timoti 4:1 Marejeleo ya Msalaba

Kulumbaisha 50:6

Liculu lyomwi alyomwi lilatondesha patuba kwaamba ayi, Lesa uliluleme. Lilatondesha alimwi ayi mwiine Lesa ngowoombolosha bantu bakwe.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Luka 19:12

Mpomunyaawo wakaamba ayi, “Kwakalinga musankwa wakalinga kulemekwa uyo wakaya kucishi ca kulaale ayi akapekwe bwaami akuboolela alimwi.

Luka 19:15

“Nakubi boobo muntu uyo wakaya mukupekwa bwaami, lyalo wakapiluka. Ingayi ashikebo, wakeeta basebenshi bakwe abo mbwaakapa maali ayi eshibe ngobakacaninaawo.

Luka 23:42

Mpeeke wakaamba ayi, “BaJesu, mukanjibaluke mwaakwisa muBweene bwanu.”

Milimo ya Batumwi 10:42

Jesu wakatupa amulasho wakushimikila Makani Abotu kubantu akubalwiita ayi lakwe wakasalwa aLesa ayi abe moomboloshi wa bantu boomi abafu.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Bene Loma 2:16

Mbweekoobo mbweshi cikabe pabushiku Lesa ndyeshi akoomboloshe bantu kwiinda muli Jesu Klistu pasheesho nshebayeeya beene, kweelana aMakani Abotu aya ngoonshimikila.

Bene Kolose 3:4

Klistu mbobuumi bwanu, ono na akaboneke, amwebo mulaakuboneka pantu pomwi anguwe mubulemu bwakwe.

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

1 Timoti 5:21

Ndakusenga cankusu, pameenso akwe Lesa, Klistu Jesu alimwi abaanjelo basalitwe, kwaamba ayi ukonkele milasho yoonse iyi cakutasalulula alimwi mushintu shoonse nshoocita tooelete kusuula umwi.

2 Timoti 1:10

Sombi bulya Lesa wakatuyubulwita shintu ishi kwiinda mukwisa kwa Mupulushi wesu Klistu Jesu. Lakwe ngowakamanisha nkusu sha lufu akutondesha buumi butamaani kwiinda muMakani Abotu.

2 Timoti 2:14

Ono koibalusha bantu maswi aya, akubacenjesha pameenso akwe Lesa ayi kabataambanini pamaswibo. Tacicafwi, sombi cilakolonganyabo batookutika.

2 Timoti 4:18

Mwaami Lesa ulaakumfuna kuswa kububi boonse akundama ayi nkenjile muBweene bwakwe bwa kwiculu. Kuli nguwe akube bulemu lyoonse alyoonse! Ameni.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

1 Pita 4:5

Sombi balaakulyaambilila mulandu wabo pameenso akwe Lesa, uyo weshi akoomboloshe boomi abafu.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

2 Pita 1:11

sombi ulaakumucalwita mulyango wa muBweene butamaani bwa Mwaami Jesu Klistu Mupulushi wesu.

2 Pita 1:17

Ndyaakatambula bulemu alimwi akulemekwa kuswa kuli Lesa Ishi, wakanyumfwa liswi kuswa kuBulemu Bwiindaawo lyakwaamba ayi, “Uyu ngoMwanaangu ngoonsuni alimwi muli nguwe ndakondwa.”

1 Joni 2:28

Ee, nobana bangu, amukalilile muli nguwe, kwaamba ayi pabushiku ndyeshi akese, tukabule kunyumfwa boowa ansooni.

Ciyubululo 1:7

Amubone, utoosa amakumbi! Bantu boonse balaakumubona kubikaawo abaabo boonse bakamuyasa. Mishobo yoonse mucishi ca panshi ilaakulila ceebo ca nguwe. Ameni!