2 Timoti 3:2 - Baibo Busansulushi Bwa Libuku Ili

² Ceebo bantu balaakuba beshikulisuna, beshikuyandisha buboni, beshikulilumbaisha, beshikulisumpula, beshimatushi, batanyumfwili bashali, bataluumbi, batasalalite,

2 Timoti 3:2 Marejeleo ya Msalaba

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Kulumbaisha 49:6

Balo mbantu bacinkite manungo mububoni bwabo alimwi balisumpula ceebo cakufula kwa mbubo.

Kulumbaisha 52:1

Omubile webo, ceebonshi ulalisumpwita pabubi? Kushomeka kwakwe Lesa nkwalyoonse alyoonse.

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,

Isaya 10:15

Sombi Mwaami Lesa waamba ayi, “Ono sa keembe inga keenda wooyo ukasebensesha? Sa cakutimbusha mapulanga inga calisumpula kuwooyo ucisebensesha? Sa mpimfwa njeenyamuna muntu na ngumuntu unyamuna mpimfwa?”

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Mateyo 15:6

Mukucita boobo, mulaubya maswi akwe Lesa ceebo ca milawo yanu ya bakulukulu.

Luka 12:15

Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”

Luka 16:14

BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.

Luka 6:35

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Milimo ya Batumwi 5:36

Na mwaamba ayi mwiibaluke, kwakalinga muntu wiitwa ayi Teyudasi myaaka iniini yamana. Uyu muntu wakalinga kulisumpula akulibanda ayi ngumuntu mulemu alimwi basankwa bali myaanda yone bakamukonkela. Sombi wakacaikwa alimwi boonse bakalinga kumukonkela bakapalangana amilimo yakwe yoonse yakamana.

Bene Loma 11:18

Paceebo ceeco tamweelete kulisumpula pabaabo Lesa mbwaakatyola anga njimisampi. Taapu nceenga mwalisumpwitaawo mukwiinga mwebo mulibo anga njimisampi. Tamupi nkusu kumiyanda, sombi yalo njeipa nkusu kumisampi.

2 Bene Kolinto 5:15

Wakafwita boonse, kwaamba ayi abo boomi batekali buumi bwakulisangalasha beene, sombi wooyo wakafwa akubushikwa ceebo cabo.

Bene Filipi 2:21

Mukwiinga bamwi baanji balalisukamabo shintu shakulisangalasha beene kutaamba makani akwe Jesu Klistu.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

1 Timoti 1:20

Pakati ka baabo, kuli Aimeneyusi aAlekisanda abo mbondakalekela mumaansaakwe Satana kwaamba ayi beeye kutacobola Lesa.

1 Timoti 1:9

Peculu lya waawo tulishi kwaamba ayi Milawo taikwe kupangilwa baluleme, sombi abo beshikwiisotoka abatanyumfwili, batasuni shabuLesa abamucita shibi, batasalalite alimwi batapaili. Nja bantu abo bacaya bamaishiwabo nabi bamanyinawabo, bacayi,

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

1 Timoti 6:4

ngushikulisumpula alimwi taaku nceeshi. Ono ulisunishibo kupikisha akwaambana pamaswi. Ici cilaletabo munyono, kupikishanya, matushi, kuyeeyela shibiibi

2 Timoti 3:4

Balaakuba bacenjeshi, batasakamani, baswitebo kulisumpula, basuni shakulikondelesha kwiinda kusuna Lesa,

Jemusi 2:8

Na ncakwiila mulakonkela mulawo wa Mwaami Lesa ulembetwe muMalembo akwe ayi, “Suna mubyo bweenka mboolisuni omwiine,” ingayi mulacita kabotu.

Jemusi 4:16

Ono mwebo mulalisumpula akulilumbaisha. Kulilumbaisha koonse kwa mushobo uyo nkubisha.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

2 Pita 2:10

bunene bunene abo bakonkela lunkumbwa lwa mibili yabo akusuula bulemu ankusu shakwe Lesa. Bafundishi babeshi aba tabaloondi balalisumpula alimwi tabaloondiiwo abalemekwa ba kwiculu, sombi balabacobola.

2 Pita 2:12

Sombi bantu aba balibo anga mbanyama batacite maano, bakalengelwa kucatwa akucaikwa. Balacobola shintu shoonse nshibatanyumfwishi. Balaakunyonyoolwa bweenka bunyonyoolwa banyama ba muluundu.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

Judi 1:16

Bantu mbomunya aba mbeshi kutongooka lyoonse akubekesha bamwi shilubo, balakonkela shiyanda mibili yabo shibiibi. Balaamba cakulisumpula alimwi akubotesha baabo bacite buboni ayi babapeewo.

Ciyubululo 13:1

Kuswawaawo, ndakabona munyama kaaswa mumaanshi. Wakalinga kucite meeca likumi alimwi amitwi yosanwe ayobilo. Ono kulwiica lomwi alomwi kwakalinga mushini alimwi akwalo kumutwi womwi awomwi kwakalinga liina lyamucobwe kuli Lesa.

Ciyubululo 16:11

Mpomunyaawo bakacobola Lesa uli kwiculu ceebo cakucisa alimwi ashiloonda. Sombi tabakwe kusanduka kuswa kumicito yabo ibiibi.

Ciyubululo 16:21

Mabwe a mfula anene anene akalokela bantu. Lyomwi lyakalinga kulema mpashi makilogilamu ali 50. Mpeeke bantu bakacobola Lesa ceebo ca mwaalu wa mabwe a mfula uyo mukwiinga cakeendaawo kubica.

Ciyubululo 16:9

Aboobo kulungula kwakabatenta abuumbi. Mpeeke bakacobola Lesa ucite nkusu shakuleta myaalu ili bobulya. Nakubi boobo tabakwe kusanduka kuswa kushibiibi shabo kwaamba ayi bamulumbaishe.