2 Timoti 3:15 - Baibo Busansulushi Bwa Libuku Ili

¹⁵ alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

2 Timoti 3:15 Marejeleo ya Msalaba

2 Makani 34:3

Mumwaaka wasanu ayotatwe wa bwaami bwakwe, lakwe kacilibo mwanike, wakatalika kulambila Lesa wakwe Defedi mushali wakwe mukulukulu. Lyalo mumwaaka walikumi ayobilo wa bwaami bwakwe, wakatalika kunyonyoola misena yakulambililaako ya patulundu, shikoshanyo shakwe Ashela lesa mwanakashi ashibumbwabumbwa shimwi shoonse mucishi ca Juda amundabala ya Jelusalemu.

Kulumbaisha 19:7

Milawo ya Mwaami Lesa teecite kampenda, ilalengesha muntu kuba abuumi bupya. Shakaamba Mwaami Lesa shilashomekwa, shilalengesha batacite busongo kubaabo.

Kulumbaisha 71:17

NobaLesa mwakalinga kunjiisha kuswabo kubucikula bwangu. Ono abobulya ncaamba milimo yanu ikankamika.

Tushimpi 22:6

Iisha mwaana nshila njaaelete kweendelamo, kwaamba ayi aakukomena atakaswiimo.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Mateyo 22:29

Sombi Jesu wakabakumbula ayi, “Mulilubite ceebo tamwishi Malembo akwe Lesa nabi nkusu shakwe.

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Luka 2:40

Lyalo mwaana wakakomena akuba ankusu alimwi wakaba musongo abuumbi. Aboobo coolwe cakwe Lesa cakalinga pali nguwe.

Luka 24:27

Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.

Luka 24:32

Mpeeke bakatalika kwiipushanya ayi, “Sa maswi akwe taalinga kuyasa mumyoyo ndyaalinga kutulwiita Malembo akwe Lesa munshila?”

Luka 24:45

Mpeeke wakabacalula tulango kwaamba ayi banyumfwishishe Malembo akwe Lesa.

Joni 5:47

Ono na kamutashomi shakalemba Mose, ino inga mwashoma buyani maswi angu?”

Milimo ya Batumwi 10:43

Abalo balaluki bakulukulu boonse bakaamba pali nguwe ayi uyo woonse ushoma muli nguwe, Lesa ulaakumulekelela shibiibi shoonse kwiinda munkusu sha liina lyakwe.”

Milimo ya Batumwi 13:29

Ndibakamana kucita shoonse shilembetwe muMalembo akwe Lesa shapali Jesu, abo bakalinga kukonkela kwiisha kwakwe bakamukusha pamucilingano akuya mukumubika mucuumbwe.

Milimo ya Batumwi 16:1

Paulo wakashika kuDebe, lyalo wakaya kuLisitila uko kwakalinga kwikala mushomi wiitwa ayi Timoti. Banyina bakalinga baJuda bashomi, sombi baishi bakalinga baGiliki.

Milimo ya Batumwi 17:2

Kweelana akwishibila kwakwe, Paulo wakenjila mucoonde akulwiita bantu Malembo akwe Lesa kwanshiku shakookesha sha Cibelu shotatwe.

Milimo ya Batumwi 26:24

Paulo ndyaakalinga kucaamba, Fesitasi wakamwaambila aliswi lya peculu ayi, “Wacinkuka webo Paulo! Lwiiyo lwako lwakucinkusha!”

Bene Loma 1:2

Makani Abotu aya akaambilishikwa aLesa kale kale kwiinda mubalaluki bakwe bakulukulu, abo bakalemba Malembo akwe Asalalite.

Bene Loma 16:26

Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.

Bene Loma 2:27

Paceebo ceeci, na uyo utakwe kupalulwa kaakonkela Milawo, ulaakukushinina webo omuJuda nowakapalulwa alimwi nowakapekwa Milawo, sombi tooikonkeli.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

Bene Efeso 6:4

Amwebo nobashali, mutanoolela bana banu munshila yakubakalasha. Sombi mulyeelete kubalela cakunoobeeisha akubalwiita nshebeelete kucita mubwikaalo bwa bwine Klistu.

Dutolonomi 4:6

Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

1 Timoti 4:13

Kushikila nkese, ulyeelete kulyaaba mukubelengela bantu Malembo akwe Lesa, kushimikila alimwi akwiisha.

2 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa, wakatumwa kushimikila sha buumi mbotwashomeshekwa ubo mbotucite muli Klistu Jesu.

2 Timoti 1:5

Ndeebaluka lushomo lwako lwancinencine. Lushomo ulo lwakalinga muli bankambiyako banakashi baLoisi abanyoko baYunisi, alimwi ndishi kwaamba ayi moluli amuli ndiwe.

2 Pita 3:16

Aya ngomakani ngaambaawo mumakalata akwe oonse. Mumakalata akwe muli shintu shimwi shiyumu kunyumfwa. Bantu batacite lushibo alimwi abatana kuyuma mulushomo tabaasansululi kabotu, kweelana ambobacita Malembo akwe Lesa amwi. Mukucita boobo, balalinyonyoola beene.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.