2 Timoti 3:12 - Baibo Busansulushi Bwa Libuku Ili

¹² Ncakwiila uyo woonse usuni kwikala mubuumi bwabuLesa muli Klistu Jesu ulaakupenshekwa.

2 Timoti 3:12 Marejeleo ya Msalaba

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Mateyo 23:34

Paceebo ceeco, ntoomulwiita ayi ndaakumutumina balaluki, bantu basongo alimwi abafundishi. Bamwi mulaakubacaya akubapopa pamicilingano, abalo bamwi mulaakubakwiipa mushoonde shanu akubapensha kuswa mundabala andabala.

Maako 10:30

eshi akabule kutambula myaanda ya shintu paciindi cino. Uyo ulaakuba amaanda aanji, banandumi abanankashi shakwe baanji, banyina abaana baanji alimwi amyuunda iinji, sombi ulaakutambula alimwi amapensho. Ono sombi muciindi citoosa, ulaakutambula buumi butamaani.

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Joni 17:14

Ndakabeeisha maswi anu. Paceebo ceeco bamucishi ca panshi bakabapata ceebo balo tabeshi bamucishi bweenka anebo mboonteshi wamucishi.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

1 Bene Kolinto 15:19

Sombi na kulangila kwesu muli Klistu kulacatikishabo buumi bwa panshi pano, ingayi swebo tulanyumfwisha nkumbu kwiinda bantu boonse mucishi ca panshi.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 4:9

Balwani besu mbaanji, sombi tatubuli shikutucafwa. Nakubi kwaamba ayi cimwi ciindi tulacisikwa, sombi tatunyonyoolwi.

1 Timoti 2:2

Mupailile baami abaabo bali mubweendeleshi kwaamba ayi twikale muluumuno cakulemeka Lesa abuumi bubotu.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Timoti 6:3

Muntu uli woonse wiisha njiisho shipusene alimwi shiteendelani amaswi aMwaami wesu Jesu Klistu akwiisha kwesu kuswa kuli Lesa,

Taitasi 1:1

Ndime Paulo musebenshi wakwe Lesa alimwi mutumwi wakwe Jesu Klistu. Ndakasalwa kwaamba ayi njumye lushomo lwa baabo Lesa mbwaakasala akubatanjilila mukwishiba shalushinisho isho shiletela buumi bwa buLesa.

Taitasi 2:12

Luse ulo lulatwiisha kuleka buumi buteshi bwabuLesa alunkumbwa lwa shintu sha pacishi ca panshi kwaamba ayi twikale buumi bwakulitibuka, bululeme alimwi bwabuLesa munshiku shino.

Joshuwa 17:14

Kuswawaawo bamulunyungu lwakwe Josefu bakaambila Joshuwa ayi, “Ceebonshi mwatupabo cipansha comwi ca cishi ayi ncinesu? Swebo tuli baanji abuumbi mukwiinga Mwaami Lesa wakatupa coolwe.”

1 Pita 3:14

Sombi nabi mukapenshekwe ceebo ca bululami, kuli ndimwe ncoolwe. Mutaloondi bantu nabi kulisukama.

2 Pita 3:11

Ono na shintu shoonse shilaakunyonyooka boobo, ino mulyeelete kuba bantu bali buyani? Ncakwiila mulyeelete kuba bantu basalalite bakonkela kuyanda kwakwe Lesa.

Ciyubululo 12:4

Shinshimwe uyu wakoobola cipansha catatu ca nyenyeenshi sha mwiculu amucila wakwe akushiloshesha panshi. Kuswawaawo, wakeemikana kunembo lya mwanakashi wakalinga pafwaafwi akutumbuka kulindilila kwaamba ayi na mwaana ashalwe, eendililebo kumulya.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.