2 Timoti 2:26 - Baibo Busansulushi Bwa Libuku Ili

²⁶ Mpeeke maano abo alaakuboolaamo akusupuka mukoose ka Mubiibi uyo wakabacatisha akubalengesha kunoocita kweelana akuyanda kwakwe.

2 Timoti 2:26 Marejeleo ya Msalaba

Jobo 1:12

Mpeeke Mwaami Lesa wakaambila Satana ayi, “Ncibotu, buboni bwakwe boonse ndabubika mumaansaako, sombi lakwe mwiine kuteelesha kumukumya.” Mpomunyaawo Satana wakaswaawo pameenso a Mwaami Lesa.

Jobo 2:6

Mpeeke Mwaami Lesa wakaambila Satana ayi, “Ncibotu, ndamubika mumaansaako, sombi kubuumi bwakwe kutacataako.”

Kulumbaisha 124:7

Twakasupuka mbuli kayuni mubukuka bwa shikuteya. Bukuka bwakasutuka, swebo twakaanguluka.

Isaya 28:13

Paceebo ceeco Mwaami Lesa ulaakumwiisha maswi akwe, liswi aliswi, mundando amundando wa maswi, ciiyo aciiyo. Munshila iyo mulaakuwishikwa, kucisikwa, kuteyekwa alimwi akucatwa busha.

Isaya 53:12

Paceebo ceeco ndaakumupa musena wabulemu, ee, kumupa musena pakati ka yeeyo ya basankwa bacite mpuwo mukwiinga waaba buumi kushikila akulufu, mukwiinga alakwe wabelengelwa pantu pomwi abamucita shibi alimwi mukwiinga wakabwesa shibiibi sha bantu baanji akubeemikanina ayi balekelelwe.”

Isaya 8:15

Bantu baanji balaakulisuntula alimwi baanji balaakuwa. Ee, balaakuwa akupwayoolwa. Balaakucatwa mukoose akutolwa busha.”

Luka 11:21

“Na muntu ushimpite kaalama ŋanda yakwe kaalibambite ashakulwanisha shoonse, buboni bwakwe inga tabwiipikwi.

Luka 15:17

Pesule ndyaakesaamo maano wakalyaamboosha mwiine ayi, ‘Basebenshi boonse ba bata balicite shakulya shiinji abuumbi, ono nebo kuno ntooyanda kufwa kunsala!

Luka 5:10

Jemusi aJoni bana bakwe Sebedi babye Simoni abalo bakakankamana abuumbi. Lyalo Jesu wakaambila Simoni ayi, “Utaloondi mukwiinga bulya kuswa sunu, unanooli shikuleta bantu kuli ndime, bweenka mbowalinga kucata nswi.”

Joni 13:2

Jesu abashikwiiya bakwe ndibakalinga kulya mulalilo, Mubiibi wakalinga wabika kale muyeeyo muli Judasi, mwanaakwe Simoni Isikalyoti, wakaaba Jesu kubalwani.

Joni 13:27

Ingayi Judasi atambulebo shinkwa uyo, Satana wakamwinjila. Mpeeke Jesu wakamwaambila ayi, “Ico ncootooyanda kucita, cicite kufwambaana.”

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Milimo ya Batumwi 5:3

Sombi Pita wakamwiipusha ayi, “Webo Ananiyasi, nceebonshi wasuminisha Satana ayi enjile mumoyo wako kwaamba ayi ubece Mushimu Usalashi, pakucaasha maali amwi ngowakoolisha buboni bwako?

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

2 Bene Kolinto 2:11

Tulishi bucenjeshi bwakwe Satana alimwi tatusuni kwaamba ayi atwiinde kumaano.

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Bene Kolose 1:13

Wakatukusha munkusu sha munshinshe akutwinjisha muBweene bwa Mwanaakwe usunikwi.

1 Timoti 1:20

Pakati ka baabo, kuli Aimeneyusi aAlekisanda abo mbondakalekela mumaansaakwe Satana kwaamba ayi beeye kutacobola Lesa.

1 Timoti 3:7

Bantu bakunsengwe balyeelete kunoomulemeka kwaamba ayi atakanyumfwi nsoni akucatwa mukoose kakwe Satana.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.