2 Timoti 2:20 - Baibo Busansulushi Bwa Libuku Ili

²⁰ Muŋanda inene muli mbale shipusenepusene, shimwi nshasilifa shimwi nshagolodi, shimwi nshashisamu shimwi nshabulongo. Shimwi nshaciindi ceelete, shimwi shilasebenseshekwa lyoonse.

2 Timoti 2:20 Marejeleo ya Msalaba

Esila 1:6

Beshikamukobonyinaabo boonse bakabacafwako akubapa shintu shiinji, nkokwaamba ayi mbale sha silifa, golodi, shakulya, shifubwa, shamakwebo shimwi pantu pomwi ashipo sha kuŊanda yakwe Lesa.

Esila 6:5

Ono shintu sha golodi asha silifa, isho Nebukadinesa nshaakakusha muŊanda yakwe Lesa ya kuJelusalemu akutola kuBabiloni, shilyeelete kuboolela kuJelusalemu akubikwa muŊanda yakwe Lesa uko.”

Kulonga 27:3

Ukapange shikaye shakuyolelawo milota, mafosholo, mbale shifongomene, shakusubushako nyama alimwi ashikaye shakubikawo mulilo. Shoonse ishi shilyeelete kuba sha bulonse.

Malilo 4:2

Amubone basankwa bacikula bwangu bene Siyoni abo bakalinga kusunikwi anga ngugolodi kuli ndiswe kalekale bulya bababo anga ninongo, ee, mulimo wa maansa a mubumbi.

Danyelo 5:2

Beloshasa ndyaakalinga kunwa waini wakwe, wakaambila basebenshi bakwe ayi baye balete nkomeshi sha golodi asilifa isho Nebukadinesa mushali wakwe nshaakaleta kuswa muŊanda yakwe Lesa kuJelusalemu. Beloshasa wakacita boobo kwaamba ayi lakwe, bacinenenene, bamakaakwe, bakasuwa bakwe banwiteemo.

Joni 8:49

Jesu wakakumbula ayi, “Nshicite shikaswa, sobwe. Ndalemeka baTa, sombi mwebo mulanyansha.

Bene Loma 9:20

Ino webo ndiwaani kwaamba ayi upikishanye aLesa? Sa nongo inga yaambila wakeebumba ayi, “Wakamumbilanshi bobulya?”

1 Bene Kolinto 3:9

Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.

2 Bene Kolinto 4:7

Sombi swebo tuli anga ninongo mubikitwe bubile, kwaamba ayi cishibikwe ayi nkusu shiindaawo nshetucite tashishi shesu sobeene, sombi nshakwe Lesa.

Bene Efeso 2:22

Muli nguwe amwebo mutooyakilwa pantu pomwi abashomi bamwi boonse ayi mube mwakwikala Lesa kwiinda muMushimu.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.