2 Timoti 2:15 - Baibo Busansulushi Bwa Libuku Ili

¹⁵ Koelesha cankusu ayi ulyaabe kuli Lesa, mbuli musebenshi usuminishikwa ucita mulimo utamulenshi nsoni, uyo wiisha ciluleme maswi a lushinisho.

2 Timoti 2:15 Marejeleo ya Msalaba

Mateyo 13:52

Lyalo Jesu wakabakumbula ayi, “Paceebo ceeco mufundishi woonse wa Milawo uyo wakeeya maswi a Bweene bwa kwiculu, uli anga ngumwine ŋanda, uyo ukusha shintu shipya ashikulukulu muŋanda yakusungilaamo shintu.”

Maako 4:33

Jesu wakashimikila bantu maswi akwe mushikoshanyo shiinji sha mbuli sheeshi kweelana akunyumfwa kwabo.

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

Milimo ya Batumwi 2:22

“Mwebo nobene Isilaelima, amukutikishe makani aya ngontoomulwiita! Ulya Jesu wa kuNasaleti wakalinga muntu uyo Lesa ngwaakatondesha ayi ngowooyo ngwaakasala akumutuma kuli ndimwe. Lesa wakabonesha cikani ici, kwiinda mushaankamiko ashitondesho sha nkusu sha kwiculu nshaakacita muli Jesu pakati kanu, kweelana ambuli mbomwishi.

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

Bene Loma 14:18

Aboobo uyo woonse usebensela Klistu munshila iyi, ulakondelesha Lesa alimwi abantu balakondwa mumilimo yakwe.

Bene Loma 16:10

Mwaanshe Apelesi uyo wabonesha cancinencine ayi ulakonkela Klistu. Ndaansha abamuŋanda yakwe Alisitobyulasi.

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

1 Bene Kolinto 2:6

Sombi tulaamba shabusongo kubaabo bayumu mulushomo. Nakubi boobo teshi busongo bwa buntu nabi bwa beendeleshi ba mucishi ca panshi ubo bumana.

2 Bene Kolinto 10:18

Mukwiinga teshi wooyo ulilumbaisha mwiine utambulwa, sobwe. Sombi ngooyo Mwaami Lesa ngwaalumbaisha.

2 Bene Kolinto 3:6

Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

2 Bene Kolinto 5:9

Sombi ncetusuni, nkucita shikondelesha Mwaami mumubili uno nabi mumubili wa kwiculu.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

Bene Efeso 1:13

Amwebo mwakaba bantu bakwe Lesa ndimwakanyumfwa makani aamba shancinencine, ngoMakani Abotu ayo akamuletela lupulusho. Mwakashoma Klistu, paceebo ceeco, Lesa wakamupa keshibilo kakwaamba ayi muli bantu bakwe pakumupa Mushimu Usalashi uyo ngwaakashomesha.

1 Bene Tesalonika 2:4

Sombi lyoonse tulaamba ceeco cisuni Lesa mukwiinga wakasuminisha ayi tulyeelete kupekwa milimo yakushimikila Makani Abotu. Aboobo tatushimikili kwaamba ayi tukondeleshe bantu, sombi Lesa uyo usunka myoyo yesu.

1 Bene Tesalonika 5:14

Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.

1 Timoti 4:6

Na weeisha bashominyoko shintu ishi ulaakuba musebenshi mubotu wakwe Klistu Jesu, ulishikwa mumushimu amaswi alushomo lwesu alimwi akwiisha kwa lushinisho uko nkowakakonkela.

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

2 Pita 1:10

Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,

2 Pita 1:15

Alimwi ntokweelesha kumucanina nshila yakunokwiibalukilamo shintu ishi, nabi nebo nkafwe.

2 Pita 3:14

Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.