2 Timoti 1:7 - Baibo Busansulushi Bwa Libuku Ili

⁷ Ceebo Mushimu Lesa ngwaakatupa tootulengeshi kuba aboowa, sombi ulatupa nkusu, lusuno akulitibuka.

2 Timoti 1:7 Marejeleo ya Msalaba

Kulumbaisha 119:80

Moyo wangu utabi akampenda kumilasho yanu, kwaamba ayi ntakalenshekwi nsoni.

Tushimpi 2:7

Lakwe ngoolengesha baluleme kukoma alimwi ndiyawo lya baabo batacite kampenda.

Tushimpi 8:14

Ndapa maano bantu akupansaanya bubi abubotu. Ndicite maano akunyumfwisha shintu alimwi ndi muyumu.

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Mika 3:8

Ono nebo Mwaami Lesa wampa nkusu shiinji pantu pomwi aMushimu wakwe. Wampa amaano akoombolosha cakutanyengelela akunengesha kubula boowa kwaamba ayi nkalwiite bamulunyungu lwakwe Jakobo shilubo shabo, ee, kulwiita bene Isilaeli shibiibi shabo.

Sekaliya 4:6

Kuswawaawo wakaŋambila ayi, “Aya ngomaswi a Mwaami Lesa kuli Selubabelo. Waamba ayi, ‘Teshi ukakome ceebo ca nkusu sha bashilumamba nabi nkusu shako omwiine, sombi ulaakukoma ceebo ca Mushimu wangu. Nebo neMwaami Lesa Shinkusu shoonse ndaamba.

Luka 10:19

Ono amunyumfwe! Ndamupa nkusu sha kweenda pansoka apantalaŋongo alimwi akukoma nkusu shoonse sha Mulwani. Taaku ceshi cikamuciise.

Luka 15:17

Pesule ndyaakesaamo maano wakalyaamboosha mwiine ayi, ‘Basebenshi boonse ba bata balicite shakulya shiinji abuumbi, ono nebo kuno ntooyanda kufwa kunsala!

Luka 24:49

Anebo ndaakumutumina cipo ico baTa ncebakashomesha, sombi mulyeelete kwikala mundabala inene kushikila mukatambule nkusu kuswa kwiculu.”

Luka 8:35

Lyalo bantu bakesa mukubona cakacitika. Ndibakashika bakacana musankwa Jesu ngwaakakusha bashikaswa ulishiite muliimfwa lyakwe, kaafwete, amaano kaakwenebo kabotu. Lyalo bantu bakaloonda.

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Milimo ya Batumwi 1:8

Sombi mulaakutambula nkusu na Mushimu Usalashi ukese pali ndimwe. Lyalo mulaakuba bakamboni bangu muJelusalemu, muJudeya moonse alimwi amuSamaliya kushikila amucishi coonse ca panshi.”

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Milimo ya Batumwi 21:13

Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.”

Milimo ya Batumwi 26:11

Mankanda aanji ndakalengesha ayi bapenshekwe mushoonde sha baJuda akwaamba ayi bacileeke kushoma muli Jesu. Ndakalinga mukali cakwaamba ayi ndakalinga kuya mumandabala a mushishi shimwi mukubapensha.

Milimo ya Batumwi 26:25

Sombi Paulo wakakumbula ayi, “Nshina kucinkuka, nomulemekwa baFesitasi! Makani aya ngontokwaamba ngalushinisho alimwi ntokwaambabo bweenka mbuli muntu muyawu.

Milimo ya Batumwi 6:8

Sitifini wakalinga muntu Lesa ngwaakapa shoolwe ankusu shiinji, aboobo wakacita shaankamiko alimwi ashitondesho sha nkusu sha kwiculu pakati ka bantu.

Milimo ya Batumwi 9:22

Ono kushimikila kwakwe Saulo kwakaba ankusu. Aboobo baJuda bakalinga kwikala muDamasikasi bakakankamana ndyaakabashinina ayi Jesu ngoUsalitwe wakwe Lesa.

Bene Loma 5:5

Akwalo kulangila uku takutulenshi nsoni ceebo Lesa ulitusuni abuumbi kwiinda muMushimu Usalashi uyo ngwaakatupa.

Bene Loma 8:15

Mukwiinga Mushimu ngomwakatambula toomwaaluli basha akumulenga boowa. Sombi ulamulengesha kuba bana bakwe Lesa. Ncakwiila munkusu sha Mushimu uyu tuleeta Lesa ayi, “Aba,” nkokwaamba ayi, “Ta!”

1 Bene Kolinto 2:4

Ndindakalinga kwaamba nabi kushimikila nshikwe kusebensesha maswi a busongo bwa buntu, sombi ndakatondesha nkusu sha Mushimu Usalashi.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Kolose 1:8

Lakwe ngowakatulwiita shalusuno ndomucite kwiinda muMushimu Usalashi.

Bene Ebulu 2:15

Mukucita boobo, wakaangulula baabo boonse bakalinga anga mbasha ceebo cakuloonda lufu.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Joni 4:18

Muntu ucite lusuno taaloondi mukwiinga lusuno lwancinencine lulamana boowa boonse. Ceebo na muntu kaaloonda cilaamba ayi ulicite mulandu alimwi lusuno taluna kuba lwancinencine muli nguwe.