2 Timoti 1:18 - Baibo Busansulushi Bwa Libuku Ili

¹⁸ Nkumbu shakwe Lesa shikabe anguwe pabushiku bwakoombolosha. Webo ulishi kale kabotu kufula kwa shintu nshaakancitila muEfeso.

2 Timoti 1:18 Marejeleo ya Msalaba

1 Baami 17:20

Lyalo wakapaila cakoolobesha ayi, “NoBaami baLesa, baLesa bangu, nciinshi ncemwacitila mukalubinje uyo cintu ciyoosha ca mushobo uyo? Walinga kundela camoyo womwi, ono mwacaya mwanaakwe!”

Luka 1:72

Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Luka 1:78

Lesa wesu uliswite nkumbu ulaakutupa mumuni uli mbuli wa kumuyamaca.

Luka 8:3

Joana muka Kusa musankwa uyo wakalinga kulama shintu sha muŋanda yakwe Elodi, Susana alimwi abamwibo baanji bakalinga kusebensesha shintu shabo kucafwa Jesu abashikwiiya bakwe.

Milimo ya Batumwi 18:19

Ndibakashika kuEfeso, Paulo wakashiya Pulisila aAkwila. Lakwe wakaya mucoonde ca baJuda mukubandika ambabo.

Milimo ya Batumwi 18:21

Sombi ndyaakalinga kubalasha, wakabaambila ayi, “Na nkuyanda kwakwe Lesa, ndaakwisa alimwi.” Lyalo wakaswaako kuEfeso mubwaato bunene.

Milimo ya Batumwi 19:1

Paciindi ico Apolosi ndyaakalinga kuKolinto, Paulo wakeenda mucishi ca Galatiya aFuligiya akushika muEfeso. Uko, wakacana bashomi bamwi

1 Bene Kolinto 1:8

Ulaakumuyumya kushikila akumamanino kwaamba ayi pabushiku bwakwisa Mwaami wesu Jesu Klistu mukacanike kamutacite kampenda.

1 Bene Kolinto 16:8

Kwalo ndanoocishiite kuEfeso kuno kushikila bushiku bwa Pentekositi.

1 Bene Kolinto 3:13

Ono Bushiku bwakwisa kwakwe Klistu, milimo ya muntu ilaakuboneka patuba ceebo Bushiku ubo bulaakwiitondesha. Bushiku ubo bulaakwisa amulilo uyo weshi ukeeleshe kubota kwa milimo ya muntu womwi awomwi.

2 Bene Kolinto 9:1

Ono tacicite ncito nabi ndabula kumulembela shamulimo wa lucafwo kubashominyineesu muJudeya.

Bene Efeso 2:4

Sombi Lesa wakatusuna abuumbi ceebo ca nkumbu shakwe shiteelekwi.

1 Bene Tesalonika 2:19

Mwebo ndimwe mwalengesha kwaamba ayi tube akulangila, kusangalala alimwi akwaamba cakutatonsha cikani ca kupuluka kwesu pameenso aMwaami wesu Jesu Klistu bushiku aakwisa.

1 Timoti 1:3

Ono bweenka mbondakakulwiitilishawo kale ndindakaya kuMakedoniya, kala umo muEfeso kwaamba ayi unookasha basankwa abo batokwiisha shakubeca.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

2 Timoti 1:16

Nkumbu shakwe Lesa shibe pabamuŋanda yakwe Onesifolasi, ceebo lakwe lyoonse wakalinga kunkusha buumba. Taakalinga kunyumfwa nsoni kwaamba ayi ndalinga muntolongo,

2 Timoti 1:17

sombi ndyaakashikabo muLoma wakatalika kunangoola kushikila wancana.

2 Timoti 4:12

Taikikasi ndakamutuma kuEfeso.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

1 Pita 1:10

Balaluki bakulukulu abo, bakaambila limwi shaceeco Lesa ncaakaamba ayi ulaakumupa kwiinda muluse lwakwe, bakalangoola akwiipusha kabotu kabotu shalupulusho ulu.

Ciyubululo 2:1

“Mutanjilili wa kucoonde ca kuEfeso, umulembele ayi, “Aya ngamakani aamba wooyo ucite nyenyeenshi shili shosanwe ashobilo mulyaansa lyalulyo alimwi weenda pakati ka shakubikaawo malampi sha Golodi shili shosanwe ashobilo.