2 Samwelo 7:21 - Baibo Busansulushi Bwa Libuku Ili

²¹ Mwakacita shintu ishi shinene kweelana akushomesha alimwi akuyanda kwanu kwaamba ayi nemusebenshi wanu nshibe.

2 Samwelo 7:21 Marejeleo ya Msalaba

Kulumbaisha 115:1

Kuteshi ndiswe noBaami baLesa, ee, kuteshi ndiswe, sombi ndimwebo nweenka nomweelete kulemekwa, ceebo ca lusuno lwanu lutamaani akushomeka kwanu.

Bene Efeso 3:11

Lesa wakacita boobo kwiinda muli Klistu Jesu Mwaami wesu kweelana ambwaakabamba kuswa kumatalikilo.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

1 Bene Kolinto 1:1

Ndime Paulo uyo wakeetwa kweelana akuyanda kwakwe Lesa ayi mbe mutumwi wakwe Klistu Jesu. Ndi amukwabesu Sositenesi.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Kulumbaisha 138:2

Ndaakufukama kunembo lya Ŋanda yanu isalalite. Ndaakulumbaisha liina lyanu ceebo ca lusuno lwanu lutamaani akushomeka kwanu. Ee, mukwiinga mwasumpula liina lyanu amaswi anu kwiinda shintu shimwi shoonse.

Luka 10:21

Paciindi ico Jesu wakasangalala muMushimu Usalashi. Mpeeke wakaamba ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite. Ncakwiila Ta, mwebo mwakacita kweelana akuyanda kwanu.

Luka 1:72

Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Mateyo 11:26

Ncakwiila Ta, mwebo mwakacita kweelana akuyanda kwanu.

Dutolonomi 9:5

Teshi kwaamba ayi muli bantu kabotu alimwi mulacita shiluleme Mwaami Lesa ncaatoomusuminishila kubwesa cishi cabo. Ulaakubatandaamo ceebo mbamucita shibi alimwi ceebo ulisuni kulama cipangano ncaakashomesha bamashali banu bakulukulu, nkokwaamba ayi Abulaamu, Isaki alimwi aJakobo.

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

1 Makani 17:19

NoBaami baLesa ceebo ca ndime nemusebenshi wanu aca kuyanda kwanu, mwakacita shintu ishi shinene akunjubulwita shintu shinene nshemwashomesha.