2 Samwelo 24:10 - Baibo Busansulushi Bwa Libuku Ili

¹⁰ Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

2 Samwelo 24:10 Marejeleo ya Msalaba

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

1 Baami 8:35

“Na mfuula mweecata ceebo bantu banu bamubishisha, ono na basanduka kuswa kushibiibi shabo akulanga kuŊanda yanu alimwi bapaila cakulibombya kuli ndimwe,

1 Makani 21:7

Alakwe Lesa taakwe kukondwa pacikani ico cakacita Defedi. Aboobo bene Isilaeli wakabapa mulandu.

1 Makani 21:8

Mpeeke Defedi wakaambila Lesa ayi, “Ndabiisha abuumbi kucita cintu ici. Ono ndaseenga kwaamba ayi mulekelele cibiibi cangu nebo nemusebenshi wanu mukwiinga ndaciita cintu cabuluya.”

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

2 Makani 32:26

Kuswawaawo Esekiya abantu ba muJelusalemu bakaliceesha. Lyalo bukali bwa Mwaami Lesa tabukwe kuseluka pali mbabo kushikila mwaami Esekiya ndyaakafwa.

Jobo 7:21

Ceebonshi tamukoonshi kulekelela shibiibi shangu? Sa inga tamulekeleli kulubisha kwangu? Onoonobo ndaakuya kucuumbwe mulaakunangoola, sombi teshi nkacanikeewo.”

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Kulonga 10:16

Lyalo mwaami Falawo wakeetila Mose aAloni mulubilo akwaamba ayi, “Ndabiisha kuMwaami Lesa, Lesa wanu alimwi akuli ndimwe.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Jowelo 2:12

Mwaami Lesa waamba ayi, “Nabi pacecino ciindi amusanduke kuswa kushibiibi shanu mwise kuli ndime amyoyo yanu yoonse, mukulikasha kulya, mukulila amukuungumana.”

Shakubelenga 12:11

wakaambila Mose ayi, “Ndapapaata nkambo, ayi mutatulengeshi kuba amulandu uyu ceebo ca cibiibi ca buluya bwesu.

Maako 7:22

bulale, lunkumbwa, bubi, bubeshi, kutalilemeka, munyono, bufuyishi, kulisumpula alimwi abuluya.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 8:9

Ndibakanyumfwa boobo, bakatalika kuswa womwi womwi, kutalikila kubamanene, kushikila Jesu wacaalabo eenka amwanakashi uyo kaaimfwi peenkaapo.

Dutolonomi 32:6

Mwebo nobantu baluya, batacite maano, Sa mbomweelete kucita kuMwaami Lesa bulya? Sa teshi ngoIshiwanu, Mulengi wanu, uyo wakamulengesha kuba mushobo unene?

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

1 Joni 1:9

Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.

1 Samwelo 13:13

Samwelo wakamwaambila ayi, “Waciita cintu cabuluya. Tookwe kukonkela mulawo wakakupa Mwaami Lesa wako. Niwacita boobo, naakwiinga Mwaami Lesa wabika bweendeleshi bwa bene Isilaeli mumaansaako abamulunyungu lwako kwamuyayaya.

1 Samwelo 24:5

Pesule moyo wakapensha Defedi ceebo cakutimbula cakufwala cakwe Saulo kulikonko.

1 Samwelo 24:6

Wakaambila bashilumamba bakwe ayi, “Mwaami Lesa ansosoloshe kukucita cintu ca mushobo uyo kumwaami wangu, uyo mwiine ngwaakasala. Nteeleshi nabibo kumutyunka munwe ceebo kuba mwaami wakacita kusalwa aMwaami Lesa kwiinda mukunanikwa mafuta.”

1 Samwelo 26:21

Mpomunyaawo Saulo wakaamba ayi, “Ndabiisha. Boola Defedi omwanaangu. Teshi nkakuyeeyelewo kukucisa alimwi, mukwiinga walinga kweelete kuncaya mashiku ainda, sombi wandekelela. Ncakwiila ndacita mbuli muntu muluya alimwi ndalubya abuumbi.”