2 Samwelo 23:5 - Baibo Busansulushi Bwa Libuku Ili

⁵ “Mboboobo Lesa mbweshi akape coolwe bamulunyungu lwangu. Mukwiinga wakapanga cipangano camuyayaya anebo, cililamitwe kabotu alimwi cilaakunoolikobo. Ono nceceecobo nceensunishi, ndolupulusho lwangu, alimwi ndishi kwaamba ayi Lesa ulaakucita ubo.

2 Samwelo 23:5 Marejeleo ya Msalaba

Matalikilo 9:16

Na nkongolo yaboneka mumakumbi, ndaakwiibona akwiibaluka cipangano camuyayaya ncendakapanga pakati kangu ashimwi shoonse shiyoya sha pacishi ca panshi.

2 Samwelo 12:10

Paceebo ceeco inkondo teshi ikamaneewo pabamuŋanda yako mukwiinga wanyaansha mukubwesa muka Uliya mwine Iti akumweeba.

2 Samwelo 13:14

Nakubi boobo Amunoni taakwe kumunyumfwila. Ono ceebo cakwaamba ayi wakamwiinda nkusu, wakakumanaakwe cakumukakatisha.

2 Samwelo 13:28

Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”

2 Samwelo 18:14

Mpomunyaawo Joabu wakaamba ayi, “Teshi mane ciindi kwaamba awebo!” Mpeeke wakabwesa masumo otatwe akukulunga Abusalomu mucaamba kaacili muumi mucisamu ca mubanga mulya.

2 Samwelo 7:12

Webo waakufwa akubikwa kwakabikwa bamashali bako bakulukulu ndaakusala mwanaako wakushala omwiine kwaamba ayi akapyane bwaami bwako alimwi ndaakulengesha bwaami bwakwe kuyuma.

2 Samwelo 7:18

Mpomunyaawo Defedi wakenjila muTente lya Cipangano, waya wekala kunembo lya Mwaami Lesa akupaila ayi, “Anu nebo noBaami baLesa noBeshinkusu shoonse ndime ni? Abalo bamuŋanda yangu mbaani pameenso anu cakwaamba ayi inga mwanshisha mpoombete sunu?

1 Baami 1:5

Ono Adonija mwanaakwe Defedi aAgiti wakalisumpula akwaamba ayi, “Ntooba mwaami.” Mpeeke wakabamba shikoci sha nkondo amaaki alimwi abashilumamba bali makumi osanwe ayi banooya bucica kunembo lyakwe.

1 Baami 11:38

Na ukanoonyumfwila camoyo woonse akukonkela milawo yangu alimwi akunsangalasha mukucita kweelana amilasho yangu bweenka bwaakacita Defedi musebenshi wangu, ndaakuba awebo kwalyoonse. Ndaakukupa bwaami bwa bene Isilaeli akulengesha bamulunyungu lwako kupyana bwaami bwako bweenka mbondakacita pali Defedi.

1 Baami 12:14

mbuli mbobakalinga bamulwiita banikenyina. Wakaamba ayi, “Bata bakamupa mikuli ilemu, ono nebo ndaakwiindilishaawo apo. Bakalinga kumuumisha musako, sombi nebo ndaakunoomuumisha mutatula!”

Kulumbaisha 111:9

Wakapulusha bantu bakwe, wakapanga cipangano citamaani ambabo. Liina lyakwe lilisalalite alimwi lilaloondesha.

Kulumbaisha 119:81

Moyo wangu ulikopokete kulindilila lupulusho lwanu, sombi nebo ndicinkite manungo mumaswi anu.

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulumbaisha 62:2

Lakwe eenka ngomwaandami wangu alimwi ndolupulusho lwangu. Teshi nkatenkanishikweewo ceebo lakwe ndilinga lyangu.

Kulumbaisha 89:3

Mwebo mwakaamba ayi, “Ndacita cipangano amuntu ngondakasala. Ndakashomesha cakulumbila kuli Defedi musebenshi wangu ayi,

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.

Isaya 27:6

Muciindi citoosa bamulunyungu lwakwe Jakobo balaakushimpa anga ncisamu catola miyanda panshi. Ee, bene Isilaeli balaakushalana anga ncisamu casapuka maluba akucata shisepo. Aboobo balaakwisusha cishi coonse ca panshi ashisepo shabo.

Isaya 4:2

Ciindi cilaakushikila Musampi wa Mwaami Lesa ndyeshi ukabote akuba abulemu. Lyalo nsheshi shikanooswa mubulongo bwa cishi ico, shilaakusangalasha akuletela bulemu bene Isilaeli abo beshi bakacaale mboomi.

Isaya 54:10

Nakubi kwaamba ayi tulundu tukatenkaane nabi tukapalanganishikwe, sombi lusuno lwanu pali ndimwe teshi lukatenkaaneewo, nabi cipangano cangu ca luumuno kupalanganishikwa.” Mwaami Lesa uyo umunyumfwila nkumbu waamba.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Isaya 61:8

Mwaami Lesa waamba ayi, “Nebo neMwaami Lesa ndisuni koombolosha kululeme. Bupambi alimwi ashibiibi ndishipatite. Ndaakulambula bantu bangu ceebo nebo ndashomeka alimwi ndaakupangaabo cipangano camuyayaya.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Jelemiya 32:40

Ndaakupanga cipangano ambabo calyoonse alyoonse. Ee, teshi nkacileeke kubacitila shibotu nabi kucileka kubalengesha kunoonda amyoyo yabo yoonse kwaamba ayi batakamfutatili tubili.

Jelemiya 33:21

Mbweeke ubo nebo ndakapanga cipangano amusebenshi wangu Defedi kwaamba ayi mulunyungu lwakwe mulaakunooswa mwaami lyoonse. Ndakapanga cipangano abapailishi ba mumukowa wakwe Lefi ayi bananoonsebensela lyoonse. Shipangano ishi shoonse teshi shikapwaikweewo.

Esekelo 37:26

Ndaakupanga cipangano ca luumuno ambabo. Cilaakuba cipangano calyoonse alyoonse. Ndaakushimpya bulelo bwabo akubafusha alimwi ndaakubika Ŋanda yangu pakati kabo kwalyoonse alyoonse.

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Milimo ya Batumwi 13:34

Ono pamakani akwaamba ayi ulaakumubusha kuswa kubafu, alimwi teshi akaboole, Lesa mwiine wakaamba ayi, ‘Ndaakukupa shoolwe shiinji shisalalite shancinencine, ishi nshendakashomesha Defedi.’

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Bene Ebulu 6:19

Kulangila kwesu uku, kuli anga nceela cakwiimikisha bwaato mubuumi bwesu. Nkokwaamba ayi kulalengesha ayi tubule boowa alimwi tunooshinishite. Kulaakutushisha kwiculu muŋanda yakwe Lesa kwiinda mucisani cishitilisha akwinjila mumusena usalalite wa mukati.

1 Samwelo 2:35

Ndaakusala mupailishi weshi akanooshomeka akucita shoonse nsheensuni ayi acite. Ndaakumupa bamulunyungu lwakwe abo beshi bakanoosebensabo pameenso a mwaami ngweshi nkasaale.

1 Samwelo 25:28

Ndaseenga mundekelele cilubo ncindacita nemusebenshi wanu. Ncakwiila Mwaami Lesa ulaakulengesha bwaami kuba pali ndimwe abamulunyungu lwanu mukwiinga mutoolwana nkondo sha Mwaami Lesa. Aboobo akubule kubisha kwishi kucanike muli ndimwe kulilabo kamucili boomi