2 Samwelo 21:16 - Baibo Busansulushi Bwa Libuku Ili

¹⁶ Mpeeke musankwa upolomene wiitwa ayi Ishibibenobu, uyo wakalinga kuyumwite lisumo lya bulonse lyakalinga kulema makilogilamu ali 3.5 alimwi wakalinga kucite amupeeni upya, wakayeeya kucaya Defedi.

2 Samwelo 21:16 Marejeleo ya Msalaba

Matalikilo 14:5

Mumwaaka wa likumi ayone Cedalaoma abaabo mbwaakalinga kucatenaabo pantu pomwi bakaya mukulwana akukoma bene Lefayi muAshitaloti Kanaimu, baSusimu muAmu, baEmi muliwesa lya Kilyataimu,

Matalikilo 6:4

Munshiku isho akunembo, kwakalinga basankwa abanakashi bapolomene pacishi ca panshi abo bakashalwa kubanakashi bakeebwa kubana bakwe Lesa. Mbobaabo bakalinga kupukite kuciindi ca nkondo alimwi bakalinga nshenkalakata shiindaawo.

2 Samwelo 21:18

Kuswawaawo kwakabuka aimwi nkoondo pakati ka bene Isilaeli abene Filisiti kuGobu, uko Sibekayi wa kuUsha nkwaakacaila musankwa upolomene wiitwa ayi Safu.

2 Samwelo 21:20

Lyalo kwakabuka aimwi kuGati uko kwakalinga musankwa upolomene musembela kulwana. Musankwa uyo wakalinga kucite minwe yosanwe awomwi kulyaansa lyomwi lyomwi, tukumo tosanwe akomwi kucimpanta comwi comwi.

2 Samwelo 21:22

Basankwa bapolomene bone aba bakalinga bamulunyungu lwa bantu bapolomene bene Gati. Ono boonse Defedi abashilumamba bakwe wakamana kubacaya.

2 Samwelo 5:18

Bene Filisiti bakashika kuCinyika ca Lafaimu akucipaatabo coonse.

Shakubelenga 13:22

Bakataanguna kuya kumalenge a cishi akushika kuEbuloni, uko kwakalinga kwikala shipani sha bene Ayimani, Sheshayi alimwi aTalimayi, bamulunyungu lwa bantu bapolomene beetwa ayi Anakimu. Ndabala ya Ebuloni ndiyakayakwa, pakeenda myaaka yosanwe ayobilo ayi iyakwe ndabala ya Soani mucishi ca Ijipiti.

Shakubelenga 13:28

Sombi bantu bekalaamo balicite nkusu, amandabalaabo anene nganene abuumbi alimwi alicite malinga abotu. Teshi ceeco ceenka, sombi twakacana abamulunyungu lwa bantu bapolomene nkomunya uko.

Dutolonomi 1:28

Nceebonshi nceenga twaitako uko? Twaloonda. Basankwa mbotwakatumaako bakatulwiita ayi bantu bali kooko balishimpite alimwi mbalaamfu abuumbi kwiinda ndiswe. Balekala mumandabala anene acite lubumbu lulaamfu abuumbi. Bakabonaako abamulunyungu lwa bantu bapolomene beetwa ayi Anakimu!’

Dutolonomi 2:10

Kalekale, mundabala inene ya Ali mwakalinga lusubo lwa bantu bapolomene bakalinga kwiitwa ayi Emimu. Bakalinga balaamfu anga mbaAnakimu, lusubo lumwi lwa bantu bapolomene.

Dutolonomi 2:11

Bakalinga kwiitwa alimwi ayi Lefaimu bweenka mbobakalinga kwiita baAnakimu, sombi bene Moabu bakalinga kubeeta ayi Emimu.

Dutolonomi 2:21

Abalo bakalinga balaamfu anga mbaAnakimu. Bakalinga baanji alimwi bakalinga lusubo lwa nkusu. Sombi Mwaami Lesa wakabanyonyoola kunembo lya bene Amoni abo bakabatanda mucishi cabo akwikalaamo mbabo.

Dutolonomi 3:11

Mwaami Ogi wakalinga ngomucaalishi kubaLefaimu. Bulo bwakwe bwakapangwa anshimbi alimwi bwakalinga mamita ali one mubulaamfu, mubufwaafwi mamita ali obilo kweelana ashipimo shisuminishitwe. Buciboneka abobulya mundabala ya bene Amoli ya Laba.

Dutolonomi 9:2

Bantu baliimo mbalaamfu alimwi mbeshinkusu. Bantu abo mbamulunyungu lwakwe Anaki. Mwakanyumfwaawo kacaambwa ayi, ‘Anu ngani weenga walwana abamulunyungu lwakwe Anaki?’

Joshuwa 11:22

Taaku mwine Anaki nabi womwi wakacaala kaayoya mucishi coonse ca Isilaeli. Mwakacaalabo bakamwikamwi muGasa, Gati alimwi amuAshidodi.

Joshuwa 15:14

Mpeeke Kalebu wakatanda bamulunyungu lwakwe Anaki botatwe kuswa mundabala inene ya Ebuloni. Wakatandamo Sheshayi, Ayimani alimwi aTalimayi, bamulunyungu lwakwe Anaki.

1 Samwelo 17:7

Lisumo lyakwe lyakalinga linene abuumbi anga ngumutika wa mungwala. Mutwi wa ceela wa ndilyo wakalinga kulema makilogilamu ali osanwe aobilo. Uyo wakalinga kumunyamwita liyawo wakalinga kweendela kunembo lyakwe.