2 Samwelo 16:12 - Baibo Busansulushi Bwa Libuku Ili

¹² Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

2 Samwelo 16:12 Marejeleo ya Msalaba

2 Samwelo 16:13

Mpeeke Defedi wakatolelela kunooya munshila, Shimeyi alakwe kaainda kantalamukila mweela kalundu alimwi kaaya cicobola, kuwaala mabwe akumutukwita lusuko.

2 Baami 19:4

Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Kulumbaisha 109:28

Nabi banshingana, mwebo munanoompa coolwe. Na bandwana, mwebo munanoobalensha nsoni. Sombi nebo nemusebenshi wanu nanoosangaletebo.

Kulumbaisha 132:1

NoBaami baLesa amwiibaluke Defedi alimwi amapensho oonse ngaakeendaamo.

Kulumbaisha 25:18

Amubone mapensho angu oonse akuungumana kwangu, lyalo mundekelele shibiibi shangu shoonse.

Tushimpi 25:22

Mukwiinga mukucita boobo ulaakumulengesha kunyumfwa nsoni pabubi bwakwe. Aboobo Mwaami Lesa ulaakukulambula.

Tushimpi 26:2

Mashingo taakoonshi kukucisa na taakweelete. Ee, alaba anga mbayuni balelembabo, sombi cakutekalaawo.

Isaya 27:7

Mwaami Lesa taakwe kupawo bene Isilaeli mulandu weelene awa balwani babo, nabi kufwitwa mweelo wa basankwa weelene awaabo.

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

Dutolonomi 23:5

Nacibi boobo Mwaami Lesa, Lesa wanu taakwe kunyumfwa shakaamba Balaamu, sombi wakaalula mashingo ayo kuba coolwe kuli ndimwe ceebo Mwaami Lesa, Lesa wanu ulimusuni abuumbi.

Dutolonomi 23:6

Mubuumi bwanu boonse, tamweelete kupanga cishibinda ambabo nabi kubacafwa ayi basumpuke.

2 Bene Tesalonika 1:7

alimwi ulaakulengesha mapensho anu amapensho esu kumana. Lesa ulaakucita boobo na Mwaami Jesu akaboneke kaaswa kwiculu abaanjelo bakwe bacite nkusu shiinji.

Bene Ebulu 12:10

Bamaishiwesu bapacishi ca panshi bakalinga kutubuula paciindi ico ciniini kweelana akuyanda kwabo. Sombi Lesa ulatubuula ayi tucanemo mpindu alimwi ayi aswebo tube bantu basalalite bweenka mbuli nguwe.

1 Samwelo 1:11

Mpeeke wakashomesha cakulumbila ayi, “NoBaami baLesa Beshinkusu shoonse, amumboone nemusebenshi wanu! Amulangishishe mapensho angu akunyumfwila nkumbu! Mutamfutatili! Na mwampa mwaana musankwa, ndashomesha ayi ndaakumupa kuli ndimwe kwa buumi bwakwe boonse alimwi ayi teshi akaceseewo misusu yakwe.”