2 Samwelo 16:11 - Baibo Busansulushi Bwa Libuku Ili

¹¹ Lyalo Defedi wakaambila Abishayi abacinenenene bakwe bamwi boonse ayi, “Amubone, mwanaangu musankwa utoopinga kuncaya, ino inga ceela kuli pawooyu mwine Benjameni! Amumuleeke mwiine ancobole ceebo Mwaami Lesa mbwaamulwiita.

2 Samwelo 16:11 Marejeleo ya Msalaba

Mateyo 10:21

“Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali babo, akubacaisha.

Esekelo 20:25

“ ‘Kuswawaawo ndakabapa milasho ibiibi amilawo italeteli buumi.

Esekelo 14:9

“ ‘Ono na mulaluki akacenjeekwe mukukumbula shabubeshi, ngayi nebo neMwaami Lesa ndime ndamucenjeeka. Nakubi boobo muntu uyo ndaakumukaka akumukusha kuswa pakati ka bantu bangu bene Isilaeli.

2 Makani 32:21

Lyalo Lesa wakatuma munjelo uyo wakesa mukucaya bashilumamba bene Asilya abamatanjilili babo. Kuswawaawo mwaami wa bene Asilya wakaboolela kumishaabo kaafwite nsoni abuumbi. Ono bumwi bushiku ndyaakalinga kulambila muŋanda ya lesa wakwe, bana bakwe basankwa bamwi bakamucaya amipeeni.

2 Baami 19:37

Bumwi bushiku ndyaakalinga kulambila kuli Nisiloku lesa wakwe, Adilameleki alimwi aSalesa, bana bakwe basankwa, bakamucaya amipeeni yabo. Lyalo bakacicila kucishi ca Alalati. Mpeeke Esaadoni, mwanaakwe musankwa umwi ngowakapyana bwaami bwakwe.

2 Samwelo 7:2

Mpeeke wakaambila Natani mulaluki ayi, “Nebo bona ntookala muŋanda ya bwaami yakayakwa kabotu ashisamu sha sida. Sombi Libokoshi lya Cipangano lilishiitebo mutente.”

Matalikilo 45:5

Ono mutakankamani akulipa mulandu nobeene ceebo cakungulisha kokuno. NguLesa mwiine wakantanjisha kuli ndimwe kwaamba ayi mpulushe bantu.

Matalikilo 15:4

Lyalo wakanyumfwa Mwaami Lesa kaamba alimwi kuli nguwe ayi, “Musha uyu Eliyasa, teshi ngweshi akabwese buboni bwako waakufwa. Mwaana musankwa wakushala omwiine ngweshi akabwese buboni bwako.”

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.

Kulumbaisha 109:28

Nabi banshingana, mwebo munanoompa coolwe. Na bandwana, mwebo munanoobalensha nsoni. Sombi nebo nemusebenshi wanu nanoosangaletebo.

2 Samwelo 20:1

Ono muGilugala mwakalinga cikwapululwa ca muntu wiitwa ayi Sheba mwanaakwe Bikili wamumukowa wakwe Benjameni. Sheba uyo wakalisha lupeenga akoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli, musankwa womwi awomwi aaboolele kuŋanda yakwe!”