2 Samwelo 16:10 - Baibo Busansulushi Bwa Libuku Ili

¹⁰ Sombi mwaami wakaamba ayi, “Mwebo nobana bakwe Seluiya tamubeteko lubasu kumakani aya. Na utooncobola ceebo cakwaamba ayi Mwaami Lesa wamulwiita boobo, ngani ucite nkusu shakumwiipusha ncaatoocitila boobo?”

2 Samwelo 16:10 Marejeleo ya Msalaba

Matalikilo 50:20

Cibiibi ncemwakanjeyela kuncita Lesa wakacaalula caba bubotu, kwaamba ayi bantu baanji bapuluke alimwi bacili boomi bulya kwiinda muceeco cakacitika.

2 Samwelo 19:22

Sombi Defedi wakakumbula ayi, “Mwebo nobana bakwe Seluiya tamubeteko lubasu kumakani aya. Ndime ndaba mwaami wa Isilaeli sunu alimwi taaku mwine Isilaeli eshi acaikwe sunu.”

2 Samwelo 19:23

Mpomunyaawo wakaambila Shimeyi ayi, “Teshi ufweewo,” akumushomesha cakulumbila.

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

1 Baami 17:18

Mpomunyaawo mukalubinje uyo wakaambila Elija ayi, “Omuntu wakwe Lesa, nciinshi ncewacitila bobulya? Sa wesa kokuno mukwiibalusha Lesa shibiibi shangu isho nshendakacita akulengesha mwanaangu kufwa?”

1 Baami 2:5

“Cimwi cikani nci. Uliingashite ncaakacita Joabu mwanaakwe Seluiya kuli ndime ndyaakacaya bamatanjilili bobilo ba bashilumamba bene Isilaeli, Abina mwanaakwe Na alimwi aAmasa mwanaakwe Jeta. Uliingashite mbuli mbwaakabacaya muciindi ca luumuno mukuboosha cishole pamfwa nshibakalengesha muciindi ca nkondo. Wakacaya bantu batacite mulandu. Ono nebo ndime ncite mulandu paceeco ncaakacita. Aboobo shoonse shamulandu uyo shilisukeme ndime.

2 Baami 18:25

Sa utooyeeya ayi inga ndesa mukulwana cishi cako akucinyonyoola kwakubula liswi kuswa kuMwaami Lesa? Mwaami Lesa mwiine ngowakandwiita ayi nse ndwane cishi cako akucinyonyoola.”

Jobo 9:12

Ulabwesa coonse ncaasuni kwakubula aumukasha. Anu ngani weenga wamwiipusha ayi, ‘Utoocitaanshi?’

Kulumbaisha 39:9

Ndakalinga kuumwite cakutacalulaawo mulomo, mukwiinga mwebo ndimwe mwakasuminisha ayi mpenge bobulya.

Shikushimikila 8:4

Cintu ceenga caamba mwaami cilaba bweenka ubo ceebo ulicite nkusu, ino ngani weenga wamwaambila ayi, “Nciinshi ncemutoocita nobaami?”

Malilo 3:37

Anu ngani weenga waamba makani akucitika acitika? Ee, ngani ukonsha kucita cintu ico Mwaami Lesa ncaatakwe kusuminisha?

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Mateyo 16:23

Mpeeke Jesu wakapiluluka akwaambila Pita ayi, “Koya kulaale, webo Satana! Webo uli mfumpu kuli ndime ceebo miyeeyo yako iyo taiswi kuli Lesa, sombi njabuntu.”

Mateyo 8:29

Mpomunyaawo bakoolobesha ayi, “Ino twamucitanshi mwebo nobana bakwe Lesa? Sa mwesa mukutupensha ciindi kacitana kushikila?”

Joni 18:11

Jesu wakaambila Pita ayi, “Boosha mupeeni mookala! Sa utooyeeya kwaamba ayi nsheelete kunwita munkomeshi ya mapensho baTa njebampa?”

Bene Loma 9:20

Ino webo ndiwaani kwaamba ayi upikishanye aLesa? Sa nongo inga yaambila wakeebumba ayi, “Wakamumbilanshi bobulya?”

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.