2 Samwelo 15:2 - Baibo Busansulushi Bwa Libuku Ili

² Lyalo wakalinga kucita wabuka macuunsa akuya mukwiimikana kweelanshila kumwinjililo wa ndabala inene. Ono kulilabo na muntu uli woonse ucite litongooshi lyakutola kumwaami ayi apingule wesa, Abusalomu wakalinga kumwiipusha ayi, “Ino waswa kundabalanshi? Mpeeke na muntu uyo waamba kumukowa wa bene Isilaeli nkwaaswa,

2 Samwelo 15:2 Marejeleo ya Msalaba

Matalikilo 34:20

Amo amwanaakwe Shekemu bakaya kumusena wacisenkane kumwinjililo wa ndabala inene iyo akubandika abamundabalanyinaabo.

2 Samwelo 19:8

Mpomunyaawo mwaami wakanyamuka waya wekala kufwaafwi amwinjililo wa ndabala inene ilya. Mpeeke basankwa bakwe bakanyumfwa kwaamba ayi nkwaabete uko, lyalo boonse bakaya babungana kweenka uko. Paciindi ico bantu bakwe Abusalomu bakacica akuya umwi aumwi kuŋanda yakwe.

2 Makani 10:7

Balo bakakumbula ayi, “Na bantu aba mubanyumfwile nkumbu akubakumbula cakubakondelesha, balaakunooshomeka kuli ndimwe lyoonse.”

Jobo 24:14

Na lisuba lyepila mucayi ulanyamuka akuya mukucaya bakandu. Lyalo mumunshinshe wa mashiku ulaya mukwiipa.

Kulonga 18:14

Ono Jetulo ndyaakabona milimo yoonse iyo yakalinga kucita Mose, wakamwiipusha ayi, “Ino nciinshi ici ncootoocitila bantu? Ceebonshi utoocita milimo iyi weenkabo abantu kabakushingulukite pano kuswa macuunsa kushikila amacolesha?”

Kulonga 18:16

Na bantu bobilo batoopikishanya, balesa kuli ndime. Mpeeke anebo ndyeembona ululeme awabisha. Kuswawaawo ndabalwiita milasho alimwi amilawo yakwe Lesa.”

Kulonga 18:26

Balo bakalingabo boomboloshi ba bantu lyoonse, kunootola milandu iyumu kuli Mose sombi kaboombolosha milandu iniini beene.

Tushimpi 4:16

Ceebo bantu aba tabooni kabatana kucitawo cintu cibiibi. Balo balaba acilabila na tabana kucisawo muntu.

Danyelo 11:21

Munjelo uyo wakatolelela kusansulula ayi, “Bwaami bwakwe bulaakupyanikwa amuntu uteelete kuba mwaami. Muntu uyo ulaakulwana bulelo ubo bantu boonse ba mumo kabaliibite alimwi ulaakuba mwaami kwiinda mububeshi.

Mateyo 27:1

Ndibwakaca macuunsacuunsa, bamatanjilili ba bapailishi abamaloba ba baJuda bakapangana ayi bacaye Jesu.

Dutolonomi 17:8

“Ono na kwaba milandu iyumu itakoonshi koomboloshekwa munkuta shanu, mbuli ya kucaya muntu, kulwanina buboni nabi ya kucisa muntu mukeetole kumusena womwi wakulambililaako uyo Mwaami Lesa, Lesa wanu ngweshi akasaale.

Lute 4:1

Mpeeke Bowasi wakaya kumwinjililo wa ndabala akwikala uko. Lyalo shikamukowa wakwe Elimeleki uyo Bowasi ngwaakalinga waambaawo wakesa pafwaafwi. Mpomunyaawo Bowasi wakamwiita ayi, “Shikookuno mwana, kala panshi.” Alakwe wakaya wekala.