2 Samwelo 11:1 - Baibo Busansulushi Bwa Libuku Ili

¹ Kumatalikilo amupewo, ciindi ico bamaami ncebakalinga kuyitaamo kunkondo, Defedi wakatuma Joabu abacinenenene bakwe pantu pomwi abashilumamba bene Isilaeli boonse kuya kunkondo. Bakakoma bene Amoni akushinguluka ndabala inene ya Laba. Sombi Defedi wakalingabo muJelusalemu.

2 Samwelo 11:1 Marejeleo ya Msalaba

2 Samwelo 10:14

Lyalo bene Amoni ndibakabona ayi bene Silya bacica, abalo bakacica kuloonda Abishayi akwinjila mundabala inene iyo. Lyalo Joabu wakapiluka kuswa mukulwana bene Amoni akuboolela kuJelusalemu.

1 Baami 20:22

Lyalo mulaluki wakaya kumwaami Aabu akumwaamba ayi, “Amuboolele mukalibambile kwiinda waawa mukwiinga mwaami wa bene Silya ulaakwisa alimwi mukulwana mwakali paciindi ceenka cino.”

1 Baami 20:26

Ciindi cakulwana ndicakashika, wakeeta bashilumamba bakwe akuyaabo kundabala ya Afeki mukulwana abene Isilaeli.

1 Makani 20:1

Ono ciindi ca mupewo bamaami ncebakalinga kwiitamo kunkondo, Joabu wakatanjilila bashilumamba bakwe kuya mukulwana acishi ca bene Amoni. Sombi Defedi wakacaala muJelusalemu. Bashilumamba abo bakaya kundabala ya Laba beeshinguluka akwiinyoyoola.

2 Makani 36:10

Mpeeke kumatalikilo amwaaka umwi mwaami Nebukadinesa wakatola busha Jeoiyakini kuBabiloni. Wakabwesa ashintu shamakwebo kuswa muŊanda yakwe Lesa akushitola kuBabiloni ashalo. Nebukadinesa wakabwesa Sedekiya shimishaabo Jeoiyakini akumubika pabwaami bwa bene Juda abene Jelusalemu.

Kulumbaisha 60:9

Anu ngani eshi aye anshishe kundabala icite lubumbu luyumu? Ngani eshi antanjilile kuya KuEdomu?

Shikushimikila 3:8

Kuli ciindi cakusuna aciindi cakupata. Kuli ciindi ca nkondo aciindi ca luumuno.

Jelemiya 49:2

Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

Jelemiya 49:3

“Amoolome, mwebo nobene Eshiboni ceebo ndabala yanu ya Ai yanyonyoolwa. Amwebo nomwikala mucishi ca Laba amufwale masaka mulile cabuumba. Amucice cakupilingana mumalinga anu ceebo lesa wanu Moleki ulaakutolwa mubusha pantu pomwi abapailishi alimwi abacinenenene bakwe.

Esekelo 21:20

Ubike citondesho mukwakwa womwi kwaamba ayi mupeeni ukaye mukulwana bene Amoli ba kuLaba, acitondesho muumwi kwaamba ayi mupeeni ukaye mukulwana cishi ca Juda alimwi andabala inene ya Jelusalemu iyo icite lilinga.

Amosi 1:14

Ndaakutuma mulilo kumalinga a kuLaba, uyo weshi ukanyonyoole malinga. Kulaakuba ciyobeyobe ca nkondo pabushiku ubo. Nkondo ilaakukalalabo anga nimfula ya muuwo pabushiku ubo.

Sekaliya 14:3

Mpeeke Mwaami Lesa ulaakwisa mukulwana mishobo iyo bweenka bulwana shilumamba pabushiku bwa nkondo.

Dutolonomi 3:11

Mwaami Ogi wakalinga ngomucaalishi kubaLefaimu. Bulo bwakwe bwakapangwa anshimbi alimwi bwakalinga mamita ali one mubulaamfu, mubufwaafwi mamita ali obilo kweelana ashipimo shisuminishitwe. Buciboneka abobulya mundabala ya bene Amoli ya Laba.

1 Samwelo 18:30

Bamatanjilili ba bashilumamba ba bene Filisiti bakatolelela kunooya kunkondo. Ono kulilabo na baya Defedi wakalinga kuswitilila bunene kwiinda bamwi boonse. Munshila iyo Defedi wakapuka abuumbi.