2 Pita 1:10 - Baibo Busansulushi Bwa Libuku Ili

¹⁰ Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,

2 Pita 1:10 Marejeleo ya Msalaba

Kulumbaisha 112:6

Ndushinisho teshi akatenkaanishikwewo, sobwe. Muntu ululeme ulaakunokwiibalukwa lyoonse alyoonse.

Kulumbaisha 121:3

Teshi akakuleeke kwaamba ayi uwe. Uyo ukulama taashinshiliiwo napaceyi.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Kulumbaisha 37:24

Nakubi kwaamba ayi bawa, balabuka alimwi, mukwiinga Mwaami Lesa ulaakubacafwa ayi babuke.

Kulumbaisha 62:2

Lakwe eenka ngomwaandami wangu alimwi ndolupulusho lwangu. Teshi nkatenkanishikweewo ceebo lakwe ndilinga lyangu.

Kulumbaisha 62:6

Lakwe eenka ngomwaandami wangu alimwi ndolupulusho lwangu. Teshi nkatenkanishikweewo ceebo lakwe ndilinga lyangu.

Isaya 56:2

Muntu ucita boobo ulicite coolwe. Ncakwiila uyo ukakatila mukucita boobo, uyo ulama bushiku bwakookesha bwa Cibelu cakutalilengesha kutasalala alimwi utasuminishi maansaakwe kucita bubi, ulicite coolwe.”

Mika 7:8

Nobalwani besu, mutalisumpuli pali ndiswe. Nabi twawa, tulaakubuka. Nabi tube mumunshinshe, Mwaami Lesa ulaakuba mumuni wesu.

Mateyo 22:14

Lyalo cakweelaako Jesu wakaamba ayi, “Nabi beetwa mbaanji, sombi basalwa mbaniini.”

Bene Loma 11:29

Na Lesa wasala akupa coolwe muntu, taasanduki.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Bene Ebulu 6:11

Ncetusuni bunene nkwaamba ayi womwi awomwi mulikoto lyanu atolelele cankusu kushoma kushikila akumamanino, kwaamba ayi isho nshemutoolangila shikacitike cancinencine.

Bene Ebulu 6:19

Kulangila kwesu uku, kuli anga nceela cakwiimikisha bwaato mubuumi bwesu. Nkokwaamba ayi kulalengesha ayi tubule boowa alimwi tunooshinishite. Kulaakutushisha kwiculu muŋanda yakwe Lesa kwiinda mucisani cishitilisha akwinjila mumusena usalalite wa mukati.

Jemusi 2:10

Ceebo uyo woonse usotoka mulawo womwi ulapekwa mulandu wakusotoka yoonse.

Joshuwa 7:3

Ndibakaboola kuli Joshuwa, bakaamba ayi, “Bantu boonse tabeelete kuya mukulwana abantu ba kuAi. Kutumwebo bali 2,000 nabi bali 3,000. Mutapenshibo bashilumamba boonse ceebo kulekalabo bantu baniini.”

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.

2 Pita 1:3

Lesa kwiinda munkusu shakwe shabulemu, wakatupa shoonse shiyandika kwaamba ayi twikale buumi bwakupaila kwiine kwiine. Wakacita boobo kwiinda mulushibo ndotucite pali wooyo wakatwiita ceebo ca bulemu abubotu bwakwe.

2 Pita 1:5

Paceebo ceeco, amusebense cankusu kwaamba ayi mwiilike bwikaalo bubotu palushomo lwanu alimwi pabwikaalo bubotu, mwiilikewo lushibo.

2 Pita 3:14

Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.

2 Pita 3:17

Paceebo ceeco mwebo nomusunikwi mukwiinga mulishi kale shintu ishi, mucenjele kwaamba ayi mutatanjililwi kuswa munshila ibotu ashilubo sha bantu aba bamucita shibi, akuwa kuswa kumusena wanu uli kabotu.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.