2 Makani 8:14 - Baibo Busansulushi Bwa Libuku Ili

¹⁴ Mukukonkela bwakamulwiita baishi baDefedi, Solomoni wakabika bapailishi mumakoto makoto ayi banoosebensa mumalishi malishi pantu pomwi abene Lefi ayi banoocita mulimo wakulumbaisha Lesa akunoocafwa bapailishi mumilimo yabo ya lyoonse. Wakapanga amakoto a beshikulindilila mwinjililo womwi awomwi ceebo Defedi, muntu wakwe Lesa, mbwaakaamba ubo.

2 Makani 8:14 Marejeleo ya Msalaba

2 Samwelo 23:2

“Mushimu wa Mwaami Lesa ulaamba muli ndime, maswi akwe ncakwiila ngaaswa mumulomo wangu.

1 Baami 13:1

Ono Mwaami Lesa wakatuma mulaluki kuswa kucishi ca Juda kuya kuBetelo. Wakashika ciindi Jeloboamu ndyaakeemikana kucipaililo kwaamba ayi abenge mulambu uyo.

1 Makani 16:37

Mwaami Defedi wakasala Asafu abene Lefinyina ayi basebensele kunembo lya Libokoshi lya Cipangano bushiku abushiku.

1 Makani 16:42

Emani alimwi aJedutuni bakalinga bamatanjilili ba beshikulisha mapeenga, tusenke alimwi ashimwi shakalinga kulishikwa pakwiimba nyimbo shakulumbaisha. Bamucipani cakwe Jedutuni bakalinga kulindilila minjililo.

1 Makani 23:1

Defedi ndyaakacembela bunene wakabika Solomoni mwanaakwe pabwaami bwa bene Isilaeli.

1 Makani 24:1

Ono aya ngomakoto a bamulunyungu lwakwe Aloni. Aloni wakashala baana bone, nkokwaamba ayi, Nadabu, Abiyu, Eliyasa alimwi aItama.

1 Makani 24:3

Lyalo mwaami Defedi wakabamba bamulunyungu lwakwe Aloni akubabika mumakoto kweelana amilimo yabo. Wakacafwa Defedi kucita boobo nguSadoki wamulunyungu lwakwe Eliyasa alimwi aAimeleki wamulunyungu lwakwe Itama.

1 Makani 25:1

Mwaami Defedi abacinenenene ba Ŋanda yakwe Lesa bakasala cipani cakwe Asafu, Emani acakwe Jedutuni pakati ka bene Lefi kutanjilila mulimo wakulambila Mwaami Lesa. Bakasalwa ayi banokwiimba shabulaluki mukusebensesha tulumbu tunene atuniini alimwi atusenke twakulisha. Meena a bantu aba ngaaya:

1 Makani 26:1

Aya akalinga makoto a beshikulindilila minjililo ya Ŋanda yakwe Lesa. Kuswa mucipani cakwe Kola kwakalinga Meshelemiya mwanaakwe Kole uyo wakalinga mwanaakwe Asafu.

1 Makani 28:19

Mpeeke Defedi wakaamba ayi, “Shoonse ishi shililembetwe kweelana amilasho ya Mwaami Lesa iyo njaakandwiita.”

1 Makani 9:17

Beshikulindilila Ŋanda yakwe Lesa bakalinga kwikala muJelusalemu mbaaba: Shalumu, Akubu, Talimoni alimwi aAimani kubikaawo abamakwababo. Shalumu ngowakalinga mutanjilili wabo pancito.

1 Makani 9:24

Beshikulindilila minjililo bakalinga kumbasu shone shoonse, nkokwaamba ayi kwicwe, kumbo, kumalenge akumatwa.

2 Makani 23:19

Jeoiyada wakabika abeshikulindilila mumalishi kuminjililo ya Ŋanda yakwe Lesa ayi banookasha bantu batasalalite kweelana aMilawo kwinjila.

2 Makani 23:4

Mbulya mbomweelete kucita nobapailishi abene Lefi. Na mukese kuncito pabushiku bwakookesha bwa Cibelu, mukalibaanye mumakoto otatwe. Likoto lyomwi likalaame minjililo ya kuŊanda yakwe Lesa.

2 Makani 29:25

Mwaami wakakonkela milasho iyo Mwaami Lesa njaakapa mwaami Defedi kwiinda muli Gadi mulaluki wakwe amumulaluki umwi Natani. Wakeemika bene Lefi muŊanda yakwe Lesa kabacite tusenke twakulisha atulumbu tunene atuniini.

2 Makani 31:2

Mwaami Esekiya wakabusha makoto a bapailishi amakoto a bene Lefi kweelana amilimo yabo. Milimo yabo imwi yakalinga nkubenga milambu yakutenta amilambu ya bwanabwankashi, kusebensela muŊanda yakwe Lesa pakulambila, kulumba akwiimba nyimbo shakulumbaisha Lesa kuminjililo ya Ŋanda yakwe Lesa.

2 Makani 35:10

Ndibakamana kubamba shakusekelela uko, bapailishi abene Lefi bakeemikana mumisena yabo bweenka bwakaamba mwaami.

2 Makani 35:15

Beshikwiimba bamulunyungu lwakwe Asafu bakalinga kwiimfwi mumisena yabo kweelana abwakaamba mwaami Defedi. Beshikwiimba abo nguAsafu, Emani alimwi aJedutuni mulaluki wa mwaami. Beshikulindilila minjililo tabakwe kuswaako kumilimo yabo mukwiinga bene Lefinyinaabo bakababambila sha bushiku bwa Pasika bwakwiibaluka kusotokela.

2 Makani 35:4

Amulibambile kucita milimo yanu muŊanda yakwe Lesa mushipani shanu alimwi amumakoto anu kweelana amilasho yakalemba Defedi mwaami wa bene Isilaeli alimwi ayakalemba Solomoni mwanaakwe.

2 Makani 5:11

Mpeeke bapailishi boonse bakaswa muMusena Usalalite Wiindaawo. Bapailishi boonse bakalinga kooko bakalisalasha nabi tebakalinga mucipani cakalinga pabulishi.

2 Makani 8:15

Milasho yoonse yakapa Defedi pabapailishi, pabene Lefi apamaanda akulaminaamo buboni bakeecita kweelana amboyakalinga kweelete.

Esila 6:18

Bakabika bapailishi abene Lefi mushipansha shabo kwaamba ayi bakanoosebensela Lesa muŊanda yakwe kuJelusalemu kweelana ambocilembetwe mulibuku lyakwe Mose.

Neyemiya 12:24

Bamatanjilili ba bene Lefi nguAshabiya, Shelebiya Jeshuwa mwanaakwe Kadimyelo. Bamatanjilili aba bakapansaanya bene Lefinyinaabo mumakoto. Makoto obilo akalinga kwiimba nyimbo shakulumbaisha akulumba Lesa cakukumbushanya paciindi comwi acomwi kweelana abwakaamba Defedi muntu wakwe Lesa.

Neyemiya 12:25

Mataniya, Bakibukiya, Obadiya, Meshulamu, Talimoni alimwi aAkubu mbobakalinga beshikulindilila kuminjililo ya kumaanda akusungilamo shintu pafwaafwi aminjililo ya Ŋanda yakwe Lesa.

Neyemiya 12:36

Pesule lyakwe pakalinga bamakwabo, nkokwaamba ayi Shemaya, Asalelo, Milalayi, Gilalayi, Mayi, Netanelo, Juda alimwi aAnani kabacite ashakulisha isho shakaamba Defedi muntu wakwe Lesa. Esila mufundishi wa Milawo ngowakalinga kutanjilila likoto ilyo.

Luka 1:5

Munshiku isho mwaami Elodi ndyaakalinga kulela cishi ca Judeya, kwakalinga mupailishi wakalinga kwiitwa ayi Sekaliya, mulikoto lya bapailishi lyakwe Abija. Wakalinga kweebete Lisabeti wa mulunyungu lwakwe Aloni.

Luka 1:8

Bumwi bushiku Sekaliya wakalinga kucita ncito yakwe yabupailishi muŊanda yakwe Lesa, bulishi bwakwe ndibwakashika.

Milimo ya Batumwi 13:22

Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’

Milimo ya Batumwi 13:36

Mukwiinga Defedi mubuumi bwakwe ndyaakamana kusebensela bantu kweelana akuyanda kwakwe Lesa, wakafwa akubikwa mucuumbwe kweenka kwakafukilwa bamashali bakwe bakulukulu. Mpeeke mubili wakwe wakabola.

Dutolonomi 33:1

Mose, muntu wakwe Lesa, wakapa bene Isilaeli shoolwe ishi kaatana kufwa.