2 Makani 6:6 - Baibo Busansulushi Bwa Libuku Ili

⁶ Sombi ono ndasala ndabala ya Jelusalemu kwaamba ayi ibe musena mweshi noolambililwa alimwi ndakasalabo ndiwe Defedi kwaamba ayi ube muleli wa bantu bangu.’ ”

2 Makani 6:6 Marejeleo ya Msalaba

2 Baami 21:4

Wakayaka shipaililo sha bakunsengwe muŊanda yakwe Lesa umo Mwaami Lesa mwakaamba ayi, “MuJelusalemu mweshi nkanoolambililwa.”

2 Baami 21:7

Wakabika cikoshanyo cakwe Ashela lesa mwanakashi muŊanda yakwe Lesa, mumusena uyo Mwaami Lesa ngwaakaamba kuli Defedi aSolomoni mwanaakwe musankwa ayi, “Muno muJelusalemu muŊanda yakwe Lesa iyi, ngomusena ngondakasala mucishi coonse ca mikowa ya bene Isilaeli ili likumi ayobilo kwaamba ayi mweshi nkanoolambililwaamo.

1 Makani 17:5

Kuswabo kuciindi ndindakafuna bene Isilaeli kuswa mucishi ca Ijipiti kushikila asunu, nshikwe kwikalaawo kale muŊanda. Ndakalinga kwikala mutente akuya cilonga musena amusena.

1 Makani 17:7

“Ono ulwiite Defedi musebenshi wangu alimwi ayi, ‘Mwaami Lesa Shinkusu shoonse waamba ayi ndakakukusha kumafulo, ee, kubweembeshi bwa mbelele, kwaamba ayi ube muleli wa bantu bangu bene Isilaeli.

1 Makani 28:4

“Mwaami Lesa, Lesa wa bene Isilaeli, wakasala ndime abamulunyungu lwangu kwaamba ayi noolela cishi ca Isilaeli kwalyoonse. Wakasala bamukowa wakwe Juda ayi kababatanjilila. Lyalo mumukowa wakwe Juda wakasala bamuŋanda ya bata. Pabamuŋanda ya bata cakamukonda kubika ndime pabwaami bwa bene Isilaeli.

2 Makani 12:13

Bwaami bwa mwaami Leoboamu bwakayuma abuumbi muJelusalemu alimwi wakalela kwaciindi cilaamfu. Wakalinga kucite myaaka makumi one awomwi ndyaakaba mwaami alimwi wakalela myaaka likumi ayosanwe ayobilo muJelusalemu, ndabala inene iyo Mwaami Lesa njaakasala pakati ka mikowa yoonse ya bene Isilaeli ayi ibe musena mweshi anoolambililwa. Leoboamu wakalinga mwanaakwe Naama, mwanakashi mwine Amoni.

2 Makani 20:8

Bakekalaamo akuyaka Ŋanda yanu mukumulemeka

2 Makani 30:8

Mutabi beshicimpamya mbuli bwakalinga bamashali banu bakulukulu, sombi amunyumfwile Mwaami Lesa. Kamwisa kuŊanda yakwe Lesa muJelusalemu iyo njaakasalasha kwalyoonse alyoonse. Kamusebensela Mwaami Lesa, Lesa wanu kwaamba ayi bukali bwakwe bumane pali ndimwe.

2 Makani 33:4

Wakayaka shipaililo sha bakunsengwe muŊanda yakwe Lesa umo Mwaami Lesa mwakaamba ayi, “MuJelusalemu mweshi nkanoolambililwa kwalyoonse alyoonse.”

2 Makani 6:20

Kamulama Ŋanda yanu iyi mashiku amalumwi ceebo mwakashomesha ayi mumusena uyu mweshi mukanoolambililwa. Kamunyumfwila na ndalanga kuŋanda yanu pakupaila.

2 Makani 6:5

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo alimwi nshikwe kusalaawo umwi ayi anoolela bantu bangu bene Isilaeli.

2 Makani 7:16

Ndeesala akwiisalasha ayi ube musena uyo ngweshi mukanoonambililaamo lyoonse alyoonse. Ndaakunooilama akwiitabilila ciindi coonse.

Esila 7:16

Ukatole asilifa alimwi agolodi woonse uyo ngweshi ukabwese mucishi ca Babiloni, ashipo shakulyaaba sha bene Isilaeli asha bapailishi isho nshebapa ayi nsha kuŊanda yakwe Lesa, Lesa wabo muJelusalemu.

Kulumbaisha 122:2

Ono anaapa myeendo yesu iliimfwi mukati ka minjililo, ee, yenjila mukati kako, webo oJelusalemu.

Kulumbaisha 132:13

Mwaami Lesa wakasala Siyoni, kwaamba ayi ŋanda yakwe ibe mumo.

Kulumbaisha 48:1

Mwaami Lesa ulicite nkusu shikankamika! Ulyeelete kulumbaishikwa abuumbi mundabala inene yakwe Lesa, Lesa wesu, ncakwiila pakalundu kakwe kasalalite.

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Sekaliya 2:12

Lyalo cishi ca Juda cilaakuba cipansha Mwaami Lesa ncaasuni abuumbi mucishi cakwe cisalalite. Ndabala ya Jelusalemu ilaakuba njendabala njeshi akanoosuni kwiinda mandabala amwi oonse.

Sekaliya 3:2

Mpeeke munjelo wa Mwaami Lesa wakaambila Satana ayi, “Mwaami Lesa aakukalalile. Ncakwiila Mwaami Lesa uyo usunishi ndabala ya Jelusalemu aakukalalile! Musankwa uyu ulibo anga ndukuni lwayokolwa mumulilo.”

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”