2 Makani 6:16 - Baibo Busansulushi Bwa Libuku Ili

¹⁶ Ono bulya noBaami baLesa, baLesa ba bene Isilaeli, ndaseenga kwaamba ayi mucite acalo cimwi cilya ncemwakashomesha bata ndimwakabaambila ayi bamaami ba bene Isilaeli lyoonse bananooli bamulunyungu lwabo kulilabo na kabamunyumfwila cakukonkotanya mbweeke mbobakalinga kucita balo.

2 Makani 6:16 Marejeleo ya Msalaba

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

1 Baami 6:12

“Ono Ŋanda yangu iyi njootooyaka, na unookonkela milawo, milasho ansheŋamba, ndaakukucitila isho nshendakashomesha iso Defedi.

2 Makani 13:5

Sa tamwishi kwaamba ayi Mwaami Lesa, Lesa wa bene Isilaeli wakapa Defedi abamulunyungu lwakwe bwaami bwa bene Isilaeli kwalyoonse alyoonse mucipangano citakoonshi kupwaikwa?

2 Makani 21:7

Sombi Mwaami Lesa taakwe kuyeeyawo kunyonyoola bamuŋanda yakwe Defedi mukwiinga wakapanga cipangano aDefedi akushomesha ayi bamulunyungu lwakwe balaakunoolela lyoonse.

2 Makani 23:3

Boonse bakabungana kuŊanda yakwe Lesa. Lyalo bakapanga cipangano aJoashi. Mpomunyaawo Jeoiyada wakabaambila ayi, “Anooyu mwanaamwaami mulobe! Ono ngweshi abe mwaami bweenka Mwaami Lesa mbwaakashomesha pabamulunyungu lwa mwaami Defedi.

2 Makani 6:17

Mbweeke ubo nobaLesa ba bene Isilaeli, amushicite cancinencine shoonse isho nshemwakashomesha bata baDefedi basebenshi banu.

2 Makani 7:17

Na ukanoonsebensela cakushomeka alimwi cakubula kampenda mubuumi bwako mbuli iso Defedi, alimwi na ukanookonkela milawo yangu akucita shoonse nshendakwaambila,

2 Makani 7:18

ndaakucita kweelana ambondakashomesha iso Defedi ndindakamulwiita ayi bene Isilaeli bananoolelwabo abamulunyungu lwakwe lyoonse.

Kulumbaisha 119:1

Balicite coolwe abo bekala cakubula kampenda, abo bacita kweelana amilawo ya Mwaami Lesa.

Kulumbaisha 119:9

Anu cikula bwangu inga wasalasha buyani nshila yakwe? Kwiindabo mukwikala kweelana amaswi anu.

Kulumbaisha 132:11

Mwaami Lesa wakashomesha cakulumbila kuli Defedi. Kushomesha uko nkweshi akabule kupilula. Wakashomesha ayi, “Womwi pakati ka bana bako basankwa ulaakulela kuswa ndiwe.

Kulumbaisha 132:12

Na bana bako basankwa bakalaame cipangano cangu alimwi na bakakonkele kwiisha kwangu, bwaami bwako bulaakunoolibo pabamulunyungu lwabo kwalyoonse alyoonse.”

Kulumbaisha 26:3

Ceebo lyoonse nshilubi lusuno lwanu lutamaani, alimwi lyoonse mubuumi bwangu ndeenda cakushomeka kuli ndimwe.

Esekelo 36:37

Mwaami Lesa Shinkusu shoonse waamba ayi, “Ndaakunyumfwa kusenga kwa bene Isilaeli akubacafwa. Ndaakubafusha anga nimbelele,