2 Makani 5:11 - Baibo Busansulushi Bwa Libuku Ili

¹¹ Mpeeke bapailishi boonse bakaswa muMusena Usalalite Wiindaawo. Bapailishi boonse bakalinga kooko bakalisalasha nabi tebakalinga mucipani cakalinga pabulishi.

2 Makani 5:11 Marejeleo ya Msalaba

1 Makani 15:14

Mpomunyaawo bapailishi abene Lefi bakalisalasha kwaamba ayi banyamune Libokoshi lya Cipangano ca Mwaami Lesa, Lesa wa bene Isilaeli.

2 Makani 29:15

Lyalo bantu aba bakabunganya bene Lefinyinaabo akulisalasha boonse kweelana aMilawo. Kuswawaawo bweenka mbuli mbwaakabaambila mwaami, bakatalika kusalasha Ŋanda yakwe Lesa kweelana aMilawo ya Mwaami Lesa.

2 Makani 29:34

Paciindi ici tekwakalinga bapailishi bakalinga kukonsha kucaya banyama abo boonse. Aboobo bene Lefi bakabacafwaako kushikila mulimo woonse wamana. Muciindi ico bapailishi abamwi bakalisalasha kweelana aMilawo. Bene Lefi bakalinga kwiindaawo kushomeka mukwikala kabasalalite kweelana aMilawo kwiinda bapailishi.

2 Makani 29:5

akubalwiita uko ayi, “Mwebo nobene Lefi mulyeelete kulisalasha alimwi akusalasha Ŋanda yakwe Lesa, Lesa wa bamashali banu bakulukulu. Mukushe shoonse isho shitasalalite muŊanda yakwe Lesa.

2 Makani 30:15

Pabushiku bwa likumi ashone mumweenshi wabili, bakacaya bana ba mbelele ba bushiku bwa Pasika bwakwiibaluka kusotokela. Bapailishi abene Lefi abo batakalinga kusalalite kweelana aMilawo, bakafwa nsoni akulisalasha. Lyalo bakaleta milambu yakutenta kuŊanda yakwe Lesa.

2 Makani 35:4

Amulibambile kucita milimo yanu muŊanda yakwe Lesa mushipani shanu alimwi amumakoto anu kweelana amilasho yakalemba Defedi mwaami wa bene Isilaeli alimwi ayakalemba Solomoni mwanaakwe.

2 Makani 35:6

Amucaye bana ba mbelele ba bushiku bwa Pasika bwakwiibaluka kusotokela. Ono mwebo amulisalashe kweelana aMilawo akubambila bene Isilaelinyinaanu bana ba mbelele ayi bacite kweelana ashakaamba Mwaami Lesa kwiinda muli Mose.”

2 Makani 5:12

Beshikwiimba boonse bene Lefi mbuli Asafu, Emani a Jedutuni kubikaawo abana babo abamakwababo bakeemikana kulubasu lwakwicwe lya cipaililo bakafwala shisani shiteshimite kabalisha tusenke twakulisha, tulumbu tunene atuniini. Pakalinga abapailishi bali 120 bakalinga kulisha mapeenga.

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

Kulonga 19:10

alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo